Թրամպը հրապարակել է «ֆեյք լուրեր» մրցանակաբաշխության «հաղթողների» ցուցակը

• 18.01.2018, 14:43
•  Ամերիկա,  Աշխարհ

The Nation

ԱՄՆ նախագահ Դոնալդ Թրամպը հրապարակել է իր կողմից հռչակված՝  «ֆեյք լուրեր» մրցանակաբաշխության «հաղթողների» ցուցակը: Այդ տեղեկատվությունը չորեքշաբթի օրը տեղադրվել է ԱՄՆ Հանրապետական կուսակցության կայքում, փոխանցում է «ՏԱՍՍ»-ը:

Թրամպը այդ ցուցակում ներառել է The New York Times-ի, Washington Post-ի, ABC և CNN հեռուստաընկերությունների, Time և Newsweek ամսագրերի հրապարակած նյութերը: CNN-ը ստացել է Թրամպի նախատեսած 11 մրցանակներից 4-ը:

11-րդ հորիզոնականում հայտնվել են Ռուսաստանի հետ ԱՄՆ նախագահի ունեցած ենթադրյալ կապի մասին լուրերը: Թրամպը դրանք անվանել է «մեծ խաբեություն»: