ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ՀՀ ԱԺ Հայաստան-Իրան բարեկամական խմբի անդամները հանդիպել են Հայաստանում ԻԻՀ դեսպանի հետ

parliament.am

ՀՀ ԱԺ Հայաստան-Իրան բարեկամական խմբի ղեկավար Վահրամ Բաղդասարյանը և խմբի անդամները հունվարի 17-ին հանդիպել են Հայաստանում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադիի հետ, փոխանցում է ՀՀ ԱԺ մամուլի ծառայությունը:

Հանդիպման ընթացքում քննարկվել են հայ-իրանական համագործակցության ընդլայնմանը վերաբերող հարցեր, մասնավորապես տնտեսության, էներգետիկայի, զբոսաշրջության և անվտանգության ոլորտներում:

Վահրամ Բաղդասարյանը կարևորել է խորհրդարանական բարեկամական խմբերի ակտիվ և արդյունավետ գործունեությունն ու փոխայցերը: Նա նշել է, որ այսօր հայ-իրանական փոխհարաբերությունները գտնվում են բարձր մակարդակի վրա և նոր հնարավորություններ են ստեղծվում դրանք ավելի խորացնելու համար:

Անդրադառնալով Ղարաբաղյան հակամարտության խաղաղ կարգավորմանը՝ պարոն Բաղդասարյանն ընդգծել է, որ Հայաստանը բարձր է գնահատում Իրանի Իսլամական Հանրապետության հավասարակշիռ դիրքորոշումն այս հարցում:

Սեյեդ Քազեմ Սաջադին ընդգծել է, որ երկկողմ հարաբերությունները կրում են կայուն, երկարաժամկետ և ռազմավարական բնույթ: Ղարաբաղյան հիմնախնդրի կարգավորման հարցում դեսպանը վերահաստատել է, որ Իրանը խաղաղության և կայունության պահպանման կողմնակից է:

Կողմերն անդրադարձել են Հայաստան-Իրան բարեկամական խմբի՝ նախորդ տարվա վերջին Իրան կատարած այցի մանրամասներին և ձեռք բերված պայմանավորվածությունները կյանքի կոչելու պատրաստակամություն են հայտնել: Քննարկվել են Մեղրիի ազատ տնտեսական գոտու ընձեռած հնարավորություններն արդյունավետ օգտագործելուն, Իրանից Հայաստան գազի գնման գործընթացի կազմակերպմանը, Հայ-իրանական միջկառավարական հանձնաժողովի աշխատանքին առնչվող հարցեր: Դրական գնահատելով երկու երկրների քաղաքական հարաբերությունների մակարդակը՝ զրուցակիցներն ընդգծել են, որ առևտրատնտեսական ոլորտում առկա հնարավորությունները լիարժեք չեն օգտագործվում և դրանք զարգացնելու անհրաժեշտություն կա: 

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 49%
    Քամի՝ 3,6 կմ/ժ
    6 C°
     
    20°   
    30.03.2024
    18°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: