ԵՐԵՎԱՆ 18 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18 588,75 դրամ ԱՐԾԱԹ - 233,49 դրամ ՊԼԱՏԻՆ - 12 516,74 դրամ

Եվրախորհրդում հավանաբար կքննարկվի թուրքերենն աշխատանքային լեզուների ցանկից հեռացնելու հարցը

PAP

Թուրքերենը առաջիկայում կարող է հանվել Եվրոպայի խորհրդի աշխատանքային լեզուների շարքից։ Այս մասին տեղեկացնում է թուրքական «Hürriyet» թերթի կայքի վերլուծաբան Գյուվեն Օզալփը, փոխանցում է Ermenihaber-ը: 

Վերջինիս խոսքով՝ Թուրքիան վճռել է նվազեցնել ԵԽ-ի բյուջեում իր ներդրումների ծավալը՝ դուրս գալով Եվորպական խորհրդի «մեծ ֆինանսավորողների» ցուցակից։ 2016թ․ հունվարի մեկից հետո Թուրքիան Գերմանիայի, Ֆրանսիայի, Անգլիայի, Իսպանիայի և Ռուսաստանի հետ համարվում է ԵԽ բյուջեում ամենամեծ ներդրումներ կատարած երկիրը։

ԵԽ-ի 2017թ․ բյուջեն կազմել է 455 միլիոն եվրո, որից 33․8 միլիոնը Թուրքիայի ներդրումն է։ Թուրքիան, սակայն, պատրաստվում է այսուհետ իր ներդրումների ծավալը հասցնել 13-14 մլն եվրոյի։

Նախատեսվում է, որ ԵԽ-ում Թուրքիայի պատվիրակության անդամների թիվը ևս կնվազի։ Նախկինում, երբ Թուրքիան ավելացրել էր ԵԽ բյուջեում իր ներդրումների ծավալը՝ դառնալով 6 ամենախոշոր ներդրողներից մեկը, թուրքական պատվիրակության անդամների թիվը 12-ից հասվել էր 18-ի։ Ներկայումս հնարավոր է, որ այդ թիվը կրկին իջեցվի մինչև 12։

Ներդրումների ծավալը նվազեցնելու վերաբերյալ Անկարայի որոշումից հետո ԵԽ-ում քննարկվում է թուրքերենը աշխատանքային լեզուների ցանկից հեռացնելու հարցը։ Այս նպատակով պատրաստվող զեկույցը քվեարկության կդրվի Եվրոպայի խորհրդի խորհրդարանական վեհաժողովում (ԵԽԽՎ)։ Աղբյուրի համաձայն՝ երկկողմ հարաբերություններում առկա լարվածության պատճառով հավանականությունը մեծ է, որ նախագիծ կհաստատվի։


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 62%
Քամի՝ 17.70 կմ/ժ
18 C°
 
21°  33° 
18.08.2018
20°  29° 
19.08.2018
Հարցում

Կազդե՞ն Խաչատուրովի շուրջ վերջին զարգացումները ՀԱՊԿ անդամ երկրների հետ Հայաստանի հարաբերությունների վրա: