«Առաքելական Հայաստան». ռուսական հեռուստաալիքի հերթական անդրադարձը Հայաստանին (ՏԵՍԱՆՅՈՒԹ)

• 19.02.2018, 14:03
•  Հայաստան,  No-politics

«Ռոսսիա - Կուլտուրա» հեռուստաալիքի եթերում փետրվարի 18-ին ցուցադրվել է «Пешком…» հաղորդման երկրորդ մասը՝ նվիրված Հայաստանին: Հաղորդման երկրորդ մասը վերնագրված է «Առաքելական Հայաստան», փոխանցում է Panorama-ն

«Հայաստանին ու Ռուսաստանին կապում է պատմությունը, մշակույթը, կրոնը: Հայկական պետությունը կնքվել է IV-րդ դարի ամենասկզբում՝ դա աշխարհում առաջին քրիստոնյա պետությունն է»,- ասում է հաղորդման հեղինակն ու վարողը՝ Միխայիլ Ժեբրակը:

Ռուսական հեռուստաալիքի նկարահանող խումբը զբոսանքի ժամանակ այցելել է Վաղարշապատ, Սուրբ Հռիփսիմե եկեղեցի, եղել Էջմիածնի վանքում, Երևան քաղաքում, սուրբ Գրիգոր Լուսավորչի տաճարում: Հյուրերը եղել են Կամերային երաժշտության տանը, Գեղարդի վանքում, տեսել Կոմիտասի հուշարձանը, այցելել Սուրբ Գայանե եկեղեցի և հայտնի Մատենադարան:

«Հայաստանը պահում են հավատի մեջ վստահությունն ու Հայրենիքին նվիրվածությունը»,- այսպիսի խոսքերով իր ֆիլմն ամփոփում է Միխակիլ Ժեբրակը:

«Пешком… » հաղորդումներից մեկն էլ նվիրված էր հնագույն ժողովրդի հավերժ երիտասարդ քաղաքին՝ Երևանին: