ԵՐԵՎԱՆ 26 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 001,02 դրամ ԱՐԾԱԹ - 261,8 դրամ ՊԼԱՏԻՆ - 13 051,63 դրամ

Միացյալ Նահանգներն ու Եվրամիությունը՝ տնտեսական պատերազմի շեմի՞ն

Accent TV

Ամերկայի Միացյալ Նահանգները շարունակում է զարմացնել տնտեսության պրոտեկցիոնիզմի (հովանավորչության) սուր դրսևորումներով: Ակնհայտ է, որ նախագահ Թրամփի կողմից իրականցվող «Ամերիկան առաջինը» տնտեսական կուրսն առաջիկայում փոփխվելու միտում չունի: Ավելին՝ Միացյալ Նահանգներում քննարկվում է ալյումինի և պողպատի ներկրման նկատմամբ սահմանափակումների հարցը: Հասկանալիորեն, քննարկումների աշխարհագրությունը մեծ է, քանի որ հարում է ՌԴ, Չինաստանի և Եվրամիության անմիջական շահերը:

Ամեն ինչ սկսվեց նախորդ տերեվերջին ԱՄՆ-ում իրականացված երկու հետազոտություններից, որոնք պետք է պարզեին ալյումինի և պողպատի ներկրման ազդեցությունը երկրի անվտանգության վրա: Արդյունքում, ընթացիկ տարվա սկզբին նախագահ Թրամփին ներկայացվեցին վերոնշյալ ապրանքների ներկրման նկատմամբ սահմանափակումների անհրաժեշտության հիմնավորումներ: Նպատակը՝ տարեկան կրճատել ալյումինի և պողպատի ներկրումը՝ համապատասխանաբար 668 հազար և 13,3  մլն տոննա: Նախագահն իր որոշումը պետք է հայտներ 90 օրվա ընթացքում, այսինքն ապրիլ ամսին:

Թեման նոր զարգացումներ ստացավ նախորդ շաբաթ, երբ ԱՄՆ առևտրի նախարար Ուիլբուր Ռոսը հանդես եկավ հայտարարությամբ, որով, ըստ էության, փաստվեց ԱՄՆ մտադրությունը՝ ալյումին և պողպատի ներկրման շուկայում սահմանափակումներ կիրառելու հետ կապված:

Ամերիկյան նախարարի հայտարարությանը հաջորդեց Եվրահանձնաժողովի մեկնաբանությունը, մասնավորապես, ներկայացուցիչ Մարգարիտաս Սխինասի ելույթը, որում ասվում է Եվրամիության ծայրահեղ անհանգստության մասին, եթե ԱՄՆ ադմինիստրացիան վնասի Եվրամիության արդյունաբերությունը: Բացի այդ, Եվրամիության կողմից արդեն իսկ շրջանառվում է ամերիկյան այնպիսի ապրանքատեսակների ներկրման սահմանափակումների մասին, ինչպիսիք են կարտոֆիլն ու լոլիկը, մոտոցիկլները և Բուրբոն տեսակի վիսկին: Ընդ որում, փորձագիտական շրջանակներում արդեն իսկ շրջանառվում է Եվրամիության կողմից պատասխան քայլերի ավելի ցավալի լինելու մասին: Մասնավորապես, նշվում է, որ Եվրամիության կողմից ընտրվել են այնպիսի արտադրատեսակներ, որոնց արտադրության հետ կապ ունեն Թրամփի մերձավորները: Օրինակ, Harley Davidson մակնիշի մոտոցիկլներն արտադրվում են Վիսկոնսին նահանգում, որտեղից ներկայացված է եղել Ներկայացուցիչների պալատի խոսնակ Փոլ Ռայանը: Իսկ ահա Բուրբոն տեսակի վիսկին արտադրվում է Կենտուկիում և Թենեսիում՝ կրկին Թրամփի մերձավորներից մեկի՝ Միչ Մըքքոնելի հայրենիքում:

Թեև զարգացումներն առայժմ թվում են բուռն ու հետևանքային, սակայն տնտեսական պատերազմի մասին դեռևս վաղ է խոսել, քանի որ ըստ էության, հստակ որոշված չէ թե սահմանափակումների որ տարբերակին կհանգի ԱՄՆ ադմինիստրացիան: Բանն այն է, որ Առևտրի նախարարի կողմից ներկայացվել է հնարավոր երեք տարբերակ. պողպատի նկատմամբ առաջարկվում է կամ սահմանել նվազագույնը 24%  մաքսատուրք, կամ կրճատել 12 երկրներից ներկրման ծավալը 50%-ով, կամ սահմանել ներկրման քվոտաներ՝ նախորդ տարվա ծավալների 63%-ի չափով: Ալյումինի նկատմամբ առաջարկվում է սահմանել նվազագույնը 7,7% մաքսատուրքի սահմանում, կամ 12 կոնկրետ երկրներից ներկրումների համար 23,6% մաքսատուրք, կամ ալյումինի ներկրման համախառն ծավալի նկատմամբ քվոտայի սահմանում՝ նախորդ տարվա ծավալի 86,7%-ի չափով:  Նշվող տարբերակներից ԵՄ համար խոցելին այդ տասներկու երկրներն են, որոնց թվում առավելապես հենց եվրոպականներն են:

 Ամենայն հավանականությամբ, մեծ սրացումների կարելի է սպասել հենց այդ տարբերակի ընտրության դեպքում: Առայժմ «պատերազմը» տեղեկատվական հարթությունում է:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 33%
Քամի՝ 6 կմ/ժ
26 C°
 
20°  33° 
26.08.2019
20°  32° 
27.08.2019
Հարցում

Կո՞ղմ եք Ամուլսարի շահագործման հարցով հանրաքվեի անցկացմանը