ԵՐԵՎԱՆ 13 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18 748,32 դրամ ԱՐԾԱԹ - 221,73 դրամ ՊԼԱՏԻՆ - 12 556,59 դրամ

70 միլիոն արժողությամբ օգնության փաթեթ Հայաստանին և Արցախին. Ամերիկայի Հայ դատի հանձնախմբի առաջարկը Սենատին

Hayern Aysor

Ամերիկայի Հայ Դատի հանձնախմբի (ANCA) իրավական հարցերի ղեկավար Րաֆֆի Գարագաշյանը Հայաստանի և Արցախի համար 70 միլիոն դոլար արժողությամբ «Խաղաղություն և բարգավաճում» օգնության փաթեթի առաջարկ է ներկայացրել ամերիկյան Սենատին, փոխանցում է «Արցախպրեսը»:

Հանձնախումբը դիմել է, մասնավորապես, Սենատի՝ 2019 ֆինանսական տարվա արտաքին օգնության օրինագծի մշակման համար պատասխանատու հանձնաժողովին: Ծրագրով նախատեսվում է օգնության փաթեթը տրամադրել Արցախի ականազերծման և վերականգնման, սահմանից դիպուկահարների հեռացման Ռոյս-Էնգել նախագծի կյանքի կոչման, ԱՄՆ-Հայաստան տնտեսական և ռազմական համագործակցության ծավալման և Հայաստանին Մերձավոր Արևելքում փախստականների ապաստարանին աջակցելու համար:

Րաֆֆի Գարագաշյանը, մասնավորապես, առաջարկել է 6 միլիոն դոլար տրամադրել Արցախին՝ ականազերծման և հաշմանդամների վերականգնման համար և 4 միլիոն դոլար՝ խաղաղության աջակցման համար, ինչպես նաև 30 միլիոն դոլար Հայաստանին՝ որպես տնտեսական օգնություն, 10 միլիոն դոլար՝ որպես ռազմական օգնություն, 20 միլիոն դոլար՝ որպես Մերձավոր Արևելքից փախստականների ընդունման համար օգնություն:

Նաև առաջարկվում է կասեցնել Ադրբեջանին տրամադրվող ռազմական օգնությունը:

Առաջարկ-նամակում ANCA-ի ներկայացուցիչը կոչ է արել հանձնաժողովի անդամներին՝ Թրամփի վարչակազմին դրդել ամբողջապես կիրառել ԱՄՆ-Հայաստան առևտրի և ներդրումների շրջանակային համաձայնագիրը, ինչպես նաև վերջնականապես արդիականացված կրկնակի հարկումը բացառելու համաձայնագիր ստորագրել:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 68%
Քամի՝ 17.70 կմ/ժ
13 C°
 
14°  26° 
20.09.2018
14°  26° 
21.09.2018
Հարցում

Ձեր կարծիքով՝ Ադրբեջանը կդառնա՞ ՀԱՊԿ անդամ: