Հենրիխ Մխիթարյանը գոլի և գոլային փոխանցման հեղինակ դարձավ (տեսանյութ)

• 11.03.2018, 21:07
•  Հայաստան,  No-politics

twitter.com/arsenal

Ֆուտբոլի Անգլիայի առաջնության 30-րդ տուրում Լոնդոնի «Արսենալը» ընդունեց «Ուոթֆորդին» և խոշոր՝ 3:0 հաշվով հաղթանակ տարավ, տեղեկացնում է ՀԱՕԿ-ը:

Հանդիպման 8-րդ րոպեին հաշիվը բացեց Շկոդրան Մուստաֆին: Ընդմիջումից հետո, Հենրիխ Մխիթարյանը 59-րդ րոպեին Պյեր-Էմերիկ Օբամեյանգին մեն-մենակ դուրս բերեց դարպասի առջև: Վերջինս շրջանցելով դարպասապահին՝ երկրորդ գոլն անցկացրեց մրցակցի դարպասը:

77-րդ րոպեին Օբամեյանգը «Ուոթֆորդի» տուգանային հրապարակում գնդակը փոխանցեց պաշտպանների հսկողությունից մի ակնթարթ դուրս մնացած Մխիթարյանին, որն էլ 11 մետրանոցի մատույցներից խփեց իր գոլը՝ հաշիվը դարձնելով խոշոր՝ 3:0: