Տաջիկստանի նախագահը պետծառայողներին պարտադրել է նախավարժանք անել

• 12.03.2018, 20:32
•  Ասիա

L'Express

Տաջիկստանում բոլոր պետական գերատեսչությունների, ծառայությունների և կազմակերպությունների աշխատակիցներին պարտադրել են շաբաթ օրերին մասնակցել առավոտյան նախավարժանքին: Այս մասին հայտարարերել է երկրի Երիտասարդության և սոպորտի հարցերով հանձնաժողովի ղեկավար Ահմադ Աբդուլզոդուն:

«Տաջիկստանի նախագահի գործադիր կոմիտեն հաստատել է միջոցառումների ցանկ, որի համաձայն՝ երկրի բոլոր քաղաքներում և շրջաններում մինչև տարեվերջ ամեն շաբաթ օր անց է կացվելու առավոտյան նախավարժանք»,- նշել է նա:

Աբդուլզոդուի խոսքով՝ առավոտյան նախավարժանքի նախաձեռնությունը Տաջիկստանի նախագահի գործադիր կոմիտեինն է: 

Նախորդ տարվա հունվարից  շաբաթական երկու անգամ նախավարժանքով, կրոսով և լողով են զբաղվում Տաջիկստանի ՆԳՆ բոլոր աշխատակիցները: Սպորտին ժամանակ հատկացնել նրանց  հարկադրել է նախարարության ղեկավար Ռամազոն Ռահիմզոդան, որպեսզի ուժայիններն ազատվեն ավելորդ քաշից և ձեռք բերեն լավ ֆիզիկական վիճակ: