ԵՐԵՎԱՆ 14 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Էդվարդ Նալբանդյանը հանդիպել է ՀՀ-ում համատեղության կարգով հավատարմագրված դեսպանների հետ

ԱԳ նախարարի պաշտոնակատար Էդվարդ Նալբանդյանը հանդիպել է Հայաստանում համատեղության կարգով հավատարմագրված շուրջ երկու տասնյակ երկրների դեսպանների հետ, ովքեր Երևան են ժամանել ՀՀ Նախագահի երդմնակալության արարողությանը մասնակցելու նպատակով։ Այս մասին հայտնում են ՀՀ ԱԳՆ մամուլի, տեղեկատվության և հասարակայնության հետ կապի վարչությունից:

Ողջունելով դեսպաններին` Էդվարդ Նալբանդյանը շնորհակալություն է հայտնել Հայաստանի համար այս կարևոր իրադարձությանը ներկա գտնվելու համար։

Հանդիպմանն Էդվարդ Նալբանդյանը ներկայացրել է Հայաստանի սահմանադրական փոփոխությունները և կառավարման նոր համակարգը, երկրում ընթացող բարեփոխումները:

Քննարկվել են Եվրասիական միության շրջանակներում համագործակցության արդյունքները, Հայաստան-Եվրոպական միություն հարաբերությունները։

ԱԳՆ ղեկավարն անդրադարձել է ՀՀ արտաքին քաղաքականության առաջնահերթություններին և ուղղություններին, ներկայացրել Ղարաբաղյան հիմնախնդրի բացառապես խաղաղ կարգավորման ուղղությամբ Հայաստանի և ԵԱՀԿ Մինսկի խմբի համանախագահ երկրների կողմից գործադրվող համատեղ ջանքերը:

Դեսպանների հետ հանդիպմանը արծարծվել են նաև մերձավորարևելյան տարածաշրջանի զարգացումները, առկա խնդիրների կարգավորման ուղիները և փախստականների շուրջ ստեղծված իրավիճակն ու նրանց խնդիրների լուծման ուղղությամբ ջանքերրը:

Հանդիպման օրակարգում եղել են նաև հոկտեմբերին Երևանում կայանալիք Ֆրանկոֆոնիայի գագաթաժողովի և դրա շրջանակներում անցկացվելիք միջոցառումների նախապատրաստական աշխատանքները: 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 30%
    Քամի՝ 0,51 կմ/ժ
    13 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: