ԵՐԵՎԱՆ 25 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18 748,32 դրամ ԱՐԾԱԹ - 221,73 դրամ ՊԼԱՏԻՆ - 12 556,59 դրամ

Facebook-ն ու Google-ը մեր մասին ամեն ինչ գիտեն. The Guardian

Մեր անձնական տվյալների մասին հավաքագրված տեղեկությունը շատ ավելին է, քան մեզանից շատերը կարող էին պատկերացնել: The Guardian հեղինակավոր պարբերականը նյութ է հրապարակել այն մասին, թե ինչպես են արդի աշխարհում Facebook-ն ու Google-ը «գողանում» մեր բոլոր հնարավոր տվյալները:

Google-ը ֆիքսում և պահում է ձեր գտնվելու վայրն ամեն անգամ, երբ միացնում եք հեռախոսը: Դուք կարող եք տեսնել հստակ ժամանակացույցը, թե որտեղ և երբ եք եղել հենց այն օրվանից սկսած, երբ առաջին անգամ օգտագործեցիք ձեր հեռախոսը:

Google-ը պահպանում է որոնման պատմությունը ձեր բոլոր սարքավորումներում: Դա կարող է նշանակել, որ եթե նույնիսկ մեկ սարքում ջնջեք ձեր որոնման պատմությունը, այն կարող է դեռ պահպանել տվյալներ այլ սարքերում:

Google-ը գովազդային պրոֆիլ է ստեղծում` հիմնվելով ձեր մասին ունեցած տեղեկատվության վրա, ներառյալ ձեր գտնվելու վայրը, սեռը, տարիքը, հոբբիները, կարիերան, շահերը, հարաբերությունները, կարգավիճակը, հնարավոր քաշն ու եկամուտը:

Google-ը տվյալներ է պահում ձեր օգտագործած յուրաքանչյուր հավելվածի մասին: Նրանք գիտեն, թե որքան հաճախ եք օգտագործում դրանք, որտեղ և երբ եք օգտագործում: Նրանք գիտեն, թե ում հետ եք խոսում Ֆեյսբուքում, ինչ երկրներ եք խոսում, երբ եք պառկում քնելու:

Google-ը պահում է ձեր բոլոր YouTube-յան որոնումները, այնպես որ նրանք հավանաբար գիտեն, որ շուտով ծնող եք դառնալու, կամ որ պահպանողական եք, հրեա, քրիստոնյա կամ մահմեդական եք, ինքնասպանության հակում ունեք կամ անորեքսիկ եք...

Google-ը առաջարկում է հնարավորություն ներբեռնել ձեր մասին պահված բոլոր տվյալները, որը ներառում է ձեր կոնտակտները, ձեր Google Drive ֆայլերը, բոլոր վերը նշված տեղեկությունները, ձեր YouTube տեսանյութերը, ձեր հեռախոսով արված լուսանկարները, ձեր լսած երաժշտությունը, ներբեռնած գրքերը...

A slice of the data that Facebook keeps on the author: ‘This information has millions of nefarious uses.’

Facebook-ը ևս նման տարբերակ է առաջարկում ձեր բոլոր տեղեկությունները ներբեռնելու համար: Սա ներառում է այն բոլոր հաղորդագրությունները, որը երբևէ ուղարկվել է, ձեր հեռախոսի բոլոր կոնտակտներն ու ուղարկված բոլոր աուդիո հաղորդագրությունները:

Ֆեյսբուքը նաև պահում է այն, ինչ մտածում է, որ կարող է հետաքրքրել ձեզ՝ հիմնվելով այն բանի վրա, թե ինչ էջեր ու խմբեր եք հավանել տարիների ընթացքում, ինչ թեմաներից եք առավել հաճախ խոսել ձեր ընկերների հետ և այլն:

Դուք ասում եք, որ ահաբեկիչ չեք: Այդ դեպքում, ինչո՞ւ եք «Իսլամական Պետություն» որոնել Google-ում: Կասկածո՞ւմ եք ձեր կնոջը: Պարզապես վերջին տասնամյակում փնտրում եք նրա գտնվելու վայրն ու որոնման պատմությունը:

Մենք երբեք թույլ չէինք տա կառավարությանը կամ կորպորացիային մեր տներում տեսախցիկներ կամ լսող սարքեր տեղադրել: Բայց մենք դա արեցինք ինքներս, մեր իսկ ձեռքերով, որովհետև ուզում էինք անպայման դիտել փոքրիկ շնիկներին նվիրված տեսանյութեր...

My Google Takeout document.


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 33%
Քամի՝ 11.27 կմ/ժ
25 C°
 
15°  26° 
20.09.2018
14°  26° 
21.09.2018
Հարցում

Ձեր կարծիքով՝ Ադրբեջանը կդառնա՞ ՀԱՊԿ անդամ: