ԵՐԵՎԱՆ 21 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18,664.15 դրամ ԱՐԾԱԹ - 220.02 դրամ ՊԼԱՏԻՆ - 12,672.33 դրամ

Ադրբեջանը հայկական գորգերը փորձում է որպես «ադրբեջանական արվեստի նմուշներ» ներկայացնել

Asbarez

Լոս Անջելեսում գործող Հայկական գորգարվեստի ընկերակցությունը, որը զբաղվում է հայկական գորգարվեստի քարոզչությամբ և գորգագործության ավանդույթների պահպանությամբ, հայտարարություն է տարածել Ադրբեջանում ընթացող քարոզարշավի վերաբերյալ, որի շրջանակում Ադրբեջանը փորձում է հին հայկական գործվածքներն ու ձեռագործ գորգերը որպես իր սեփականը ներկայացնել:

«Պաշտոնական Ադրբեջանը, գործարքի մեջ մտնելով ադրբեջանական ռեժիմին հարող մասնավոր հատվածի անդամների հետ, քարոզարշավ է սկսել, որն ուղղված է հին հայկական գորգագործության ավանդույթների յուրացմանը, դրանք որպես ադրբեջանական ներկայացնելը՝ հոդվածներ հրատարակելով տեղական և միջազգային ԶԼՄ-ներում, ցուցահանդեսներ ու գրքերի հրատարակություններ ֆինանսավորելով, որտեղ հայկական գորգագործությունը ներկայացվում է որպես ադրբեջանական»,-ասվում է կազմակերպության հայտարարության մեջ, հաղորդում է PANArmenian-ը` հղում կատարելով Asbarez-ին:

Նշվում է, որ մի շարք ադրբեջանական ԶԼՄ-ներ, որոնց սատարում է Ադրբեջանի կառավարությունը, վերջերս հոդվածներ են հրատարակել, որտեղ հայտնի հայկական գորգերը պատմական Հայաստանի տարբեր շրջաններից, այդ թվում Արցախից, ներկայացվել են որպես «ադրբեջանական արվեստի նմուշներ»:

Հայտարարության մեջ նշվում է նաև, որ Ադրբեջանի նման կեղծարարությունը հարված է հասցնում միջազգային մշակութային ընկերակցություններին: Հայկական գորգարվեստի ընկերակցությունը հայտարարել է, որ Ադրբեջանը պետք է անհապաղ դադարեցնի հայկական մշակութային ավանդույթների կեղծումը:


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ 47%
Քամի՝ 11.27 կմ/ժ
21 C°
 
12°  25° 
24.09.2018
15°  27° 
25.09.2018
Հարցում

Ձեր կարծիքով՝ Ադրբեջանը կդառնա՞ ՀԱՊԿ անդամ: