Արսեն Բաբայանը խորհուրդ է տվել Սերժ Թանկյանին զերծ մնալ հակասահմանադրական կոչերից

• 22.04.2018, 20:35
•  Հայաստան

Ազգային ժողովի լրատվության և հանրության հետ կապերի վարչության պետ Արսեն Բաբայանը խորհուրդ է տալիս ամերիկահայ ռոք երաժիշտ Սերժ Թանկյանին զերծ մնալ հակասահմանադրական կոչերից: Այս մասին նա ասաց՝ պատասխանելով «Արմենպրես»-ի հարցին:

«Բոլորս մտահոգված ենք Երևանում վերջին օրերին ծավալվող գործողություններով: Սերժ Թանկյանը հիանալի երաժիշտ է, բայց նրան խորհուրդ կտամ զերծ մնալ հակասահմանադրական կոչերից: ՀՀ Ազգային ժողովը և խորհրդարանի յուրաքանչյուր պատգամավոր լավ գիտի իր անելիքներն ու լիազորությունների շրջանակը: Կարծում եմ՝ շատ ավելի լավ կլիներ, եթե Սերժ Թանկյանն, օգտագործելով իր հեղինակությունը, ողջամտության ու սթափության կոչ աներ բոլորին»,- ասել է Բաբայանը։