ԵՐԵՎԱՆ 14 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ժամանակն է, որ պաշտոնապես ճանաչվի Հայոց ցեղասպանությունը. Իսրայելի պատգամավորները կրկին օրինագիծ կներկայացնեն

Armenpress.am

Քնեսեթի պատգամավորներ Իցիկ Շմուլին և Ամիր Օհանը մտադիր են Հայոց ցեղասպանության ճանաչման վերաբերյալ օրինագիծ ներկայացնել: Այս մասին հաղորդում է «The Jerusalem Post»-ը: 

Իսրայելի պատգամավորները հայտարարել են, որ օրինագիծը կներկայացնեն, որպեսզի Իսրայելը դառնա 30-րդ երկիրը, որը կճանաչի 1915 թվականի ցեղասպանությունը, որի ժամանակ Օսմանյան կայսրության կողմից սպանվել է ավելի քան 1.5 միլիոն հայ:

«Մենք չենք հանդուրժի, որ մեզ խրատ կարդա արյունոտ ձեռքերով թուրք հակասեմականը, որն ամեն օր հազարավոր քրդերի է ռմբակոծում Սիրիայի հյուսիս-արևմուտքում և որի պետությունը պատասխանատվություն է կրում հայ ժողովրդի ցեղասպանության և ասորիների դեմ պատմական ոճրագոծությունների համար»,- ասել է Շմուլին:

Իր հերթին Ամիր Օհանը ընդգծել է, որ երբեք ուշ չէ արդարությունը վերականգնելու համար:

«Ժամանակն է, որ պաշտոնապես ճանաչվի հայերի հանդեպ կատարված սարսափելի անարդարությունը: Երբ Հիտլերը Լեհաստանում ներկայացրեց մարդկանց զանգվածային բնաջնջման մասին իր ծրագիրը,  անդրադառնալով այն հարցին, թե ինչպես կարձագանքի աշխարհն այդ ամենի մասին` Հիտլերն ասաց. «Ի վերջո, ո՞վ է հիմա հիշում հայերի բնաջնջումը»: Միայն հենց այս պատճառով մենք պետք է պաշտոնապես ճանաչենք ցեղասպանությունը»,- ասել է Ամիր Օհանը:

Հաղորդվում է, որ վերջնական որոշումն այս հարցի վերաբերյալ պետք է կայացնի Իսրայելի վարչապետ  Բենյամին Նեթանյահուն:

Նշենք, որ օրինագիծը շրջանառության մեջ է դրվել Իսրայելի և Թուրքիայի հարաբերություններում լարվածության աճի ֆոնին:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 26%
    Քամի՝ 0,51 կմ/ժ
    14 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: