ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Վրացի գործարարը պատրաստ է հանդիպել Փաշինյանի հետ և քննարկել Հայաստանում McDonald's բացելու հարցը

Digital Market Asia

Վրացի գործարար Թեմուր Չկոնիան, որն արդեն վաղուց է փորձում Երևանում McDonald's բացել, արձագանքել է ՀՀ վարչապետ Նիկոլ Փաշինյանի` արտասահմանյան ներդրումների մասին կոչին, հայտնում է Սպուտնիկ Արմենիան: 

Փաշինյանը բազմաթիվ անգամ ասել է, որ ներդրումների արագ ներհոսքի հույս ունի, ինչը կնպաստի նոր աշխատատեղերի ստեղծմանը։

«Հուսով եմ, որ արտասահմանյան ներդրումներ ասելով` վարչապետը նկատի ուներ նաև վրացի գործարարներին։ Պատրաստ եմ Թբիլիսիում կամ Երևանում հանդիպել վարչապետի հետ և քննարկել ներդրումների, մասնավորապես Հայաստանում McDonald's բացելու հարցը»,- ասել է Չկոնիան։

Չկոնիան ավելի վաղ ասել էր, որ Երևանում McDonald's-ի առաջին կետի բացման հարցը պետք է լուծվեր Հայաստանի նախագահական ընտրություններից հետո (2018 թվականի մարտ)։

Նախորդ կառավարությունը հավանություն էր տվել վրացի գործարարի նախաձեռնությանը, բայց քննարկման թեմա էր դարձել տեղի ընտրությունը։ Չկոնիան ուզում էր առաջին McDonald's-ը բացել Երևանի կենտրոնում, Հանրապետության հրապարակի մոտ։ Սակայն այս նախաձեռնությունը դուր չէր գալիս ՀՀ քաղաքացիներին։

Ընտրություններից հետո գործարարը պետք է McDonald's-ի բիզնես պլանն ու ամբողջական կոնցեպտը ներկայացներ, որում կլինեին բոլոր հարցերի պատասխանները` տնտեսական արդյունքներ, արագ սննդի կետերի քանակ, աշխատատեղերի թիվ։

Նա հույս ունի, որ արագ սննդի կետն ամեն դեպքում մինչև տարեվերջ կբացվի։

 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 53%
    Քամի՝ 3,6 կմ/ժ
    6 C°
     
    20°   
    30.03.2024
    18°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: