ԵՐԵՎԱՆ 15 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Տարոն Մարգարյան շնորհավորել է շրջանավարտների Վերջին զանգը

168.am

Երևանի քաղաքապետ Տարոն Մարգարյանի շնորհավորական ուղերձը Վերջին զանգի առթիվ.

«Սիրելի՛ շրջանավարտներ,

սրտանց շնորհավորում եմ դպրոցական կյանքի հրաժեշտի և ամենահուզիչ պահի՝ Վերջին զանգի առթիվ: Դպրոցական տարիներին դուք ձեռք բերեցիք գիտելիքներ՝ մեր մշակույթի, պատմության, լեզվի ու գրականության, շրջապատող աշխարհի ու երևույթների մասին, որոնք, անկասկած, անհրաժեշտ են լինելու ձեզ կյանքի բոլոր փուլերում: Համոզվա՛ծ եմ, որ միշտ սիրով ու հարգանքով եք հիշելու ձեր ուսուցիչներին՝ երախտապարտ լինելով այն ամենի համար, ինչն արվեց նրանց կողմից, որպեսզի կարողանաք կերտել ձեր ապագան, դառնաք լավ մասնագետներ, լավ քաղաքացիներ և պարզապես լավ մարդիկ: 
Սիրելի՛ մանկավարժներ և ծնողներ,
իսկապես անգնահատելի է այն դերը, որ այս բոլոր տարիների ընթացքում թե՛ տանը և թե՛ դպրոցում ունեցել եք մատաղ սերնդի դաստիարակության և կրթության գործում: Այժմ արդեն հերթը ձեր երեխաներինն ու սաներինն է՝ արդարացնելու նրանց հետ կապված ձեր երազանքները, ինչը, համոզվա՛ծ եմ, նրանք կանեն պատվով:
Սիրելի՛ շրջանավարտներ,
ձեր կյանքի հիշարժան այս օրը մաղթում եմ, որ լինեք առողջ, նպատակասլաց և դպրոցին հաջորդող մեծ կյանքում էլ շարունակեք հարստացնել ձեր գիտելիքներն ու փորձը՝ ուրույն նպաստ բերելով մեր երկրի ու 2800-ամյա քաղաքամայր Երևանի զարգացման և հզորացման գործում»:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 33%
    Քամի՝ 1,54 կմ/ժ
    14 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: