ԵՐԵՎԱՆ 31 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18 588,75 դրամ ԱՐԾԱԹ - 233,49 դրամ ՊԼԱՏԻՆ - 12 516,74 դրամ

ԱԱԾ տնօրենն առաջիկայում նոր բացահայտումներ է խոստանում

Armenpress

Առաջիկա օրերին կշարունակվեն ԱԱԾ գործողությունները՝ այլ ոլորտներում, այլ անձանց հետ կապված։ Մայիսի 28-ին Սարդարապատում լրագրողների հետ զրույցում ՀՀ ԱԱԾ տնօրեն Արթուր Վանեցյանը նշեց, որ ինչպես և խոստացել էին՝ բոլոր ապօրինի հարստացածները, կոռուպցիոն սխեմաներով աշխատողները, կոռումպացված պաշտոնյաները և առհասարակ օրինախախտները կպատժվեն։ Նա խոստացավ՝ պայքարը լինելու է շարունակական և անզիջում, հայտնում է Panorama.am։

«Մեր քայլերը լինելու են հետևողական, բոլոր ապօրինի հարստացածները և առհասարակ օրենք խախտածները ենթարկվելու են պատասխանատվության։ Դուք տեսնում եք, որ մենք փոխել ենք աշխատաոճը և հրապարակային ենք աշխատում, համբերեք և առաջիկա օրերին կտեսնեք շատ բացահայտումներ։ Մենք մեր աշխատանքով ցույց ենք տալիս՝ ինչ ենք անում, դա կլինի շարունակական»,- ասաց նա։

Հարցին՝ արդյոք նախկինում նույն այդ սխեմաները չեն գործել, Վանեցյանն արձագանքեց, որ ինքը կարող է համակարգի անունից խոսել իր պաշտանավարման օրվանից՝ 2018 թ. մայիսի 10-ից սկսած։ Լրագրողները հետաքրքրվեցին՝ այդ բացահայտումների հետ կապված՝ այս օրերին որևէ մեկը չի՞ դիմում խնդրանքով կամ միջնորդությամբ։

«Ինձ ոչ ոք չի միջնորդել, կարծում եմ՝ նման բան ոչ ոք իրեն թույլ չի տա»,- ասաց նա՝ կրկին խոստանալով, որ առաջիկայում տարբեր ոլորտներում կլինեն բացահայտումներ։


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 31%
Քամի՝ 17.70 կմ/ժ
31 C°
 
21°  33° 
18.08.2018
20°  28° 
19.08.2018
Հարցում

Կազդե՞ն Խաչատուրովի շուրջ վերջին զարգացումները ՀԱՊԿ անդամ երկրների հետ Հայաստանի հարաբերությունների վրա: