ԵՐԵՎԱՆ 28 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18 588,75 դրամ ԱՐԾԱԹ - 233,49 դրամ ՊԼԱՏԻՆ - 12 516,74 դրամ

Հունիսի 1. 2800-ամյա Երևանը երեխաների աչքերով (լուսանկարներ)

Երևանի քաղաքապետարանի նախաձեռնությամբ հունիսի 1-ի՝ երեխաների պաշտպանության միջազգային օրվա առթիվ մայրաքաղաքում կազմակերպվել են մի շարք հետաքրքիր միջոցառումներ: Դրանք անցկացվում են «Երևանյան ամառ 2018» եռամսյա ծրագրի շրջանակում և նվիրված են մայրաքաղաքի հիմնադրման հոբելյանին: Մանուկների համար տոնական այս օրը Ազատության հրապարակը, ձևավորված ավանդույթի համաձայն, երեխաներինն էր: 

Հրապարակի տարածքում մանուկներն իրենց բազմերանգ կավճանկարներում պատկերել էին 2800-ամյա մայրաքաղաքը՝ արևաշող և ժպտացող, որոնցում արտացոլված էին նաև նրանց մանկական երազանքները: Երևանի քաղաքապետարանի կողմից փոքրիկների համար ապահովվել էին անսահմանափակ քանակով գունավոր կավիճներ: Ազատության հրապարակում կազմակերպվել էր նաև մանկական տոնական համերգային ծրագիր, որտեղ ելույթ են ունեցել երգի ու պարի մանկական համույթներ, փոքրիկ երգիչներ: Նախաձեռնությանը միացել էին նաև ՀՀ ոստիկանության փողային նվագախումբն ու մշակույթի տան սաները:
Հրապարկի հարակից հարթակում էլ մայրաքաղաքի արվեստի դպրոցների սաների մասնակցությամբ անցկացվել է «2800-ամյա Երևանը երեխաների աչքերով» խորագիրը կրող կերպարվեստի բաց դաս: Պատանի նկարիչներն իրենց աշխատանքներում ներկայացրել են երևանյան բնապատկերներ և տեսարժան վայրեր:
Ազատության հրապարակում ներկա հաշմանդամություն ունեցող երեխաներին էլ տոնի առիթով Երևանի քաղաքապետարանի կողմից նվերներ են հանձնվել 
Ի դեպ, հունիսմեկյան միջոցառումների շրջանակում Երևանի քաղաքապետի հանձնարարությամբ, քաղաքապետարանի աշխատակազմի ընտանիքի, կանանց և երեխաների իրավունքների պաշտպանության բաժնի պետ Իդա Խաչատրյանն էլ վաղ առավոտից այցելել է երևանյան ծննդատներ, շնորհավորել այսօր ծնված երեխաների մայրերին՝ նվերներ փոխանցելով նրանց:

 


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 33%
Քամի՝ 6.44 կմ/ժ
28 C°
 
18°  31° 
22.08.2018
18°  31° 
23.08.2018
Հարցում

Կազդե՞ն Խաչատուրովի շուրջ վերջին զարգացումները ՀԱՊԿ անդամ երկրների հետ Հայաստանի հարաբերությունների վրա: