ԵՐԵՎԱՆ 7 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Փաշինյանը քննադատել է Սասուն Միքայելյանի` «օրենքով գողի» համար երաշխավորությամբ հանդես գալու հանգամանքը

© Sputnik / Asatur Yesayants

ՀՀ վարչապետ Նիկոլ Փաշինյանը սխալ է անվանել իր ընկերոջ` ՀՀ ԱԺ «Ելք» խմբակցության պատգամավոր Սասուն Միքայելյանի որոշումը` երաշխավորել քրեական հեղինակություն Ալիկ Բանդուրյանի համար։ Այս մասին վարչապետը հայտնել է լրագրվողներին հինգշաբթի տեղի ունեցած ճեպազրույցի ժամանակ, փոխանցում է Սպուտնիկ Արմենիան: 

Հիշեցնենք, որ Փաշինյանի համախոհ Սասուն Միքայելյանն ու «Ծառուկյան» խմբակցության 9 պատգամավոր երաշխավորել են քրեական հեղինակություն, «օրենքով գող» Ալիկ Բանդուրյանի համար։ Նա մեղադրվում է «Լիա» գեղեցկության սրահում երկու մարդու սպանության աղմկահարույց գործի շրջանակներում։

Պատգամավորների որոշումը բացասական արձագանքի է արժանացել հանրության շրջանում։

Փաշինյանի խոսքով` Սասուն Միքայելյանը երաշխավորությամբ է հանդես եկել առանց իր հետ համաձայնեցնելու։

«Դա ինձ հետ չի համաձայնեցվել։ Եվ ես շատ վատ եմ դրան վերաբերվում», – ասաց Փաշինյանը։

Նրա խոսքով` Միքայելյանը սխալ քայլ է արել։

«Ես այդ մասին ուղիղ և անկեղծ ասել եմ իմ ընկեր Սասուն Միքայելյանին», – ավելացրեց Փաշինյանը։




Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 57%
    Քամի՝ 2,57 կմ/ժ
    7 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: