2018-ին Մեծ Բրիտանիայի տնտեսության աճը կդանդաղի մինչև 9 տարվա նվազագույն ցուցանիշ

• 18.06.2018, 17:22
•  Եվրոպա,  Աշխարհ

Daily NHT

Ընթացիկ տարում Մեծ Բրիտանիայի տնտեսության աճը կլինի 2009 թվականից ի վեր ամենաթույլը՝ սպառողական ծախսերի, առևտրի և գործարարության ներդրումների թուլության պատճառով: Այս կանխատեսումն արվել է Մեծ Բրիտանիայի առևտրական պալատների ասոցիացիայի կողմից (British Chambers of Commerce, BCC),  հաղորդում է «Ինտերֆաքս»-ը:

BCC-ի փորձագետները 2018 թվականի համար Մեծ Բրիտանիայի համախառն ներքին արդյունքի աճի կանխատեսումը 1,4 տոկոսից իջեցրել են մինչև 1,3 տոկոս:

Եվրամիությունից  դուրս գալու պատճառով տնտեսագետների մեծ մասը սպասում է առաջիկա երկու տարում Մեծ Բրիտանիայում վերելքի թուլացում: Արժույթի միջազգային հիմնադրամը կարծում Է, որ բրիտանական տնտեսության աճը կլինի Եվրոպայում ամենաթույլը, եթե հաշվի չառենեն Իտալիան:

«Հաջորդ երկու տարին գործարարության համար փորձությունների ժամանակ կդառնան Մեծ Բրիտանիայում»,- հայտարարել է BCC-ի գլխավոր տնօրեն Ադամ Մարշալը: Նա երկրի կառավարությանը կոչ է արել՝ չխորանալ Եվրամիությունից դուրս գալու գործընթացի շուրջն ավելորդ երկարատև բանավեճերի մեջ: