ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԱՄՆ-Չինաստան առևտրային պատերազմն ակտիվանում է

Միացյալ Նահանգների և Չինաստանի միջև մեկնարկել է առևտրային պատերազմը, որի վտանգը զգացվում էր տարիներ շարունակ:

Ամեն ինչ սկսվեց ԱՄՆ նախագահ Թրամփի վարչակազմի որդեգրած խիստ հովանավորչական քաղաքականությունից, որի թիրախում ի սկզբանե եղել է Չինաստանը՝ որպես ԱՄՆ առևտրային գլխավոր մրցակից: Ընթացիկ տարվա հունիսի 15-ին տարեկան ավելի քան 50 մլրդ դոլար արժողության ներկրվող ապրանքների նկատմամբ սահմանելով 25% մաքսատուրք՝ Թրամփն իր քայլը հիմնավորեց «չինական իշխանությունների կողմից ամերիկյան նորագույն տեխնոլոգիաները գողանալով»: Եվ չնայած հնչող կոնկրետ մեղադրանքներին` ամերիկյան ներկայիս իշխանությունների նման դիրքորոշումն ավելի հեռվից է գալիս:

Ըստ էության, Թրամփն իրականացնում է նախընտրական քարոզարշավի ընթացքում տված խոստումները, որոնց առանցքում Ամերիկայի և ամերիկացու շահի գերակա դերի գաղափարախոսությունն է: Ընտրվելուց հետո նույն տրամաբանության ներքո էր ԱՄՆ սահմաններից դուրս ամերիկյան ընկերությունների նկատմամբ հարկային հատուկ քաղաքականությունը, որի նպատակն էր վերջիններիս գործունեությունը կենտրոնացնել հայրենիքում: Մինչդեռ Ամերիկայի շահի գերակայության քաղաքականության լիարժեք իրականցման ամենաակնհայտ խոչընդոտներից է հայրենական արտադրության թանկարժեք լինելը, ինչի արդյունքում ներկրվող ապրանքներն ավելի մրցունակ են: Այս համատեքստում, որպես առևտրային ամենամեծ գործընկեր, մեծ վտանգ է ներկայացնում Չինաստանը: Այսինքն` պետք է ստեղծել մի իրավիճակ, որի արդյունքում կա՛մ չինական ապրանքները չեն հայտնվի ամերիկյան շուկայում, կա՛մ դրանք կլինեն ոչ մրցունակ: Առաջինի իրականացումը գրեթե անհնար է՝ հաշվի առնելով առևտրային մի շարք կոնվենցիաներն ու պարտականությունները, որոնք ունի ԱՄՆ: Ինչ վերաբերում է չինական ապրանքների մրցունակության հիմնական պատճառ հանդիսացող ցածր գնի խնդրին, վերոնշյալ որոշումը շատ արդյունավետ գործիք է:

Չինական ապրանքների ներկրման նկատմամբ ավելացված մաքսատուրքերը վնասելու են երկու երկրներին էլ, քանի որ ամերիկյան շուկայում չինական ապրանքների դեֆիցիտը լրացվելու է տեղական արտադրության ապրանքներով, որոնք զգալիորեն թանկ կարժենան: Այսինքն` երկրում սպասվելու է ինֆլյացիայի բարձր մակարդակ: Մյուս կողմից, Չինաստանն իր հերթին պատասխան գործողությունների է դիմել՝ ամերիկյան մի շարք ապրանքատեսակների նկատմամբ սահմանելով ներկրման բարձր մաքսատուրքեր:  

Եվ չնայած դրան` երկու երկրներն էլ առայժմ առաջնորդվում են դեմպինգային քաղաքականության սկզբունքով՝ իրավիճակին հաղորդելով նորանոր զարգացումներ:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 26%
    Քամի՝ 0,51 կմ/ժ
    14 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: