Գարո Փայլան. «Մեր երկրի համար պատանդների առուծախն ամոթ է»

• 26.07.2018, 17:49
•  Տարածաշրջան,  Աշխարհ

Bianet

Թուրքիայի քրդամետ, ընդդիմադիր «Ժողովուրդների դեմոկրատական կուսակցության» (ԺԴԿ-HDP) հայ պատգամավոր Գարո Փայլանը անդրադարձել է ամերիկացի հոգևորական Էնդրյու Բրանսոնի նկատմամբ տնային  կալանք սահմանելու որոշմանը, փոխանցում է Ermenihaber-ը:  

Փայլանը իր «Twitter»-ի էջում մասնավորապես գրել է.

«Հենց ԱՄՆ-ն սպառնաց տնտեսական Էմբարգոյով, հոգևորական Բրանսոնի նկատմամբ սահմանվեց տնային կալանք։ Մեր երկրի համար պատանդների առուծախն ամոթ է»։

Նշենք, որ Բրանսոնը մեղադրվում է «լրտեսություն անելու», ինչպես նաև «գյուլենական համայնքի» և PKK-ի  հետ կապ ունենալու մեջ։ Նրան սպառնում է 35 տարվա ազատարկում։

Հիշեցնենք, որ Փայլանը նախկինում էլ անդրադարձել էր Բրանսոնի շուրջ ընթացող գործին։ Նա Թուրքիայի իշխանություններին մեղադրել էր այն բանում, որ  հոգևորականին օգտագործում են իրենց «կեղտոտ գործարքներում»։