ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ռ. Քոչարյանի տարածքներում խուզարկություն արվել է 2 շաբաթ առաջ. Վ. Սողոմոնյան

Armtimes.com

ՀՀ երկրորդ նախագահ Ռոբերտ Քոչարյանի առանձնատանն ու գրասենյակում Հատուկ քննչական ծառայությունը խուզարկություն իրականացրել է 2 շաբաթ առաջ:

Այս մասին Tert.am-ի հետ զրույցում ասաց ՀՀ երկրորդ նախագահ, «Մարտի 1-ի» գործով մեղադրյալ Ռոբերտ Քոչարյանի գրասենյակի ղեկավար Վիկտոր Սողոմոնյանը:

«Խուզարկությունը տեղի է ունեցել մոտ 2  շաբաթ առաջ, ՀՔԾ-ն հիմա է հաստատել այդ տեղեկատվությունը, որպեսզի ևս մեկ անգամ ուշադրություն հրավիրի այդ թեմայի վրա»,-ասաց Վիկտոր Սողոմոնյանը:

Հարցին, թե ի՞նչ է հայտնաբերվել, կամ հայտնաբերվե՞լ է որևէ բան, որը կարող է լրացուցիչ քրեական գործի համար հիմք դառնալ, Վիկտոր Սողոմոնյանն ասաց. «Ես իրավունք չունեմ, այլապես կհայտնեի, թե ինչ են գտել, և այդ գտածն ինչ արժեք ունի»:

Հարցին, թե Ռոբերտ Քոչարյանն ի՞նչ դիրքորոշում ունի իր՝ քաղաքականություն վերադառնալու մասին քաղաքական ուժերի ու գործիչների հայտարարությունների վերաբերյալ, կամ Նիկոլ Փաշինյանի՝ հրապարկում արված ելույթի մասին, Վիկտոր Սողոմոնյանն ասաց, որ այդ հարցերը Քոչարյանի հետ չի քննարկել:

Ինչ վերաբերում է Րաֆֆի Հովհաննիսյանի այն հայտարարությանը, թե Ռոբերտ Քոչարյանն իրավունք ունի վերադառնալու այնտեղ, որտեղ ինքն ուզում է և արժանի է, Վիկտոր Սողոմոնյանն ասաց. «Րաֆֆի Հովհաննիսյանը ևս մեկ անգամ թող գնա Ծիծեռնակաբերդ՝ աղոթելու»:

Հիշեցնենք, որ ՀՔԾ-ն Tert.am-ի հարցին ի պատասխան հայտնել էր, որ Ռոբերտ Քոչարյանի առանձնատանն ու գրասենյակում խուզարկություն է կատարվել:

Նշենք, որ Ռոբերտ Քոչարյանը կալանքից ազատվելուց հետո՝ օգոստոսի 16-ին հարցազրույց էր տվել, որում խոսել էր խուզարկությունների մասին.

«Մեծ, խորը հիասթափություն են ապրում ամեն մի օբյեկտ ստուգելուց հետո, ես կարծում եմ, որ եթե հնարավորություն ունենային՝ առաջինը դա մեյդան կբերեին, ոչ թե «Մարտի 1»-ը: Ի դեպ «Մարտի 1»-ի գործը 10 զոհերի հետ ոչ մի կապ չունի, իբրև Սահմանադրական կարգն եմ տապալել, թե այդ ոնց եմ տապալել, ես էլ չգիտեմ»,-շեշտել է նա:

 

 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 27%
    Քամի՝ 1,03 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: