Չինաստանն ԱՄՆ-ի համար ավելի լուրջ վտանգ է ներկայացնում, քան Ռուսաստանը. Թրամփ

• 15.10.2018, 10:03
•  Ամերիկա,  Ասիա,  Աշխարհ

© AP Photo/Andrew Harnik

Չինաստանն ԱՄՆ-ի համար շատ ավելի լուրջ վտանգ է ներկայացնում ընտրություններին միջամտելու հարցում, քան Ռուսաստանը: Այս մասին հայտարարել է ԱՄՆ նախագահ Դոնալդ Թրամփը CBS հեռուստաալիքին տված հարցազրույցում:

«Ռուսաստանը միջամտել է ընտրություններին, սակայն ես կարծում եմ, որ միջամտել է նաև Չինաստանը», - հայտնել Թրամփը՝ պատասխանելով հարցին, թե արդյոք նա կարծում է, որ ՌԴ-ն միջամտել է 2016 թվականին ԱՄՆ-ում տեղի ունեցած նախագահական ընտրություններին. «Անկեղծ ասած՝ կարծում եմ, որ Չինաստանն էլ ավելի լուրջ խնդիր է», - ընդգծել է նա:

Հիշեցնենք, որ ավելի վաղ Դոնալդ Թրամփը Չինաստանին մեղադրել է նոյեմբերին կայանալիք Կոնգրեսի ընտրություններին միջամտելու փորձերի համար և հայտարարել, որ Չինաստանը չի ցանկանում, որ ինքը կամ հանրապետականները հաղթեն, քանի որ ինքն առևտրի հարցում Չինաստանին մարտահրավեր նետած ԱՄՆ առաջին նախագահն է: