ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Առանց գործարքի Brexit-ն այժմ ավելի հավանական է, քան երբևէ. Դոնալդ Տուսկ

itv.com

Պետք է պատրաստել Եվրամիությանն այն սցենարին, որ Brexit-ը կիրագործվի առանց որևէ պայմանավորվածությունների ձեռքբերման Եվրամիության և Մեծ Բրիտանիայի միջև: Այս մասին նշված է Եվրոպական խորհրդի ղեկավար Դոնալդ Տուսկի՝ 17-18 հոկտեմբերին ԵՄ գագաթաժողովի հրավերք-նամակում՝ ուղղված Եվրոպական խորհրդի անդամներին, փոխանցոմ է ՌԻԱ Նովոստին:

"Մենք պետք է պատրաստենք Եվրոպական Միությունն առանց պայմանավորվածությունների սցենարին, որն առավել հավանական է, քան երբևէ", - ասված է նամակում:  

Տուսկը հիշեցրել է, որ գագաթաժողովը կմեկնարկի չորեքշաբթի երեկոյան Brexit-ի մասին քննարկմամբ:

Տուսկը հրավիրել է Մեծ Բրիտանիայի վարչապետ Թերեզա Մեյին ԵՄ-ում մնացող 27 անդամ-պետությունների ղեկավարներին ներկայացնել ԵՄ-ի հետ "ապահարզանի" մասին բանակցությունների վերաբերյալ իրենց կառավարության գնահատականը, որից հետո 27 երկրների ղեկավարները "կորոշեն՝ ինչպես առաջ մղել բանակցությունները" Brexit-ի հարցով ԵՄ կողմից գլխավոր բանակցող Միշել Բարնիեի կողմից ներկայացված առաջարկների հիման վրա:

Տուսկը հիշեցրել է նաև, որ սեպտեմբերին Զալցբուրգում անցկացված գագաթաժողովից հետո ԵՄ-ն ցանկանում էր տեսնել առավելագույն առաջընթաց "ապահարզանի" մասին բանակցություններում, ինչն էլ կհանգեցներ պայմանավորվածությունների ձեռքբերմանը հոկտեմբերին: Սակայն դա ավելի բարդ էր, քան ենթադրվում էր, արձանագրել է Տուսկը: Այնուամենայնիվ, Տուսկի խոսքերից ելնելով, անհրաժեշտ է պահպանել Միացյալ Թագավորության հետ այդ գործարքի հանդեպ հույսն ու ձգտումը:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 30%
    Քամի՝ 1,03 կմ/ժ
    13 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: