ԵՐԵՎԱՆ 5 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 19 204,41 դրամ ԱՐԾԱԹ - 227,32 դրամ ՊԼԱՏԻՆ - 13 585,77 դրամ

Գագիկ Ծառուկյանը 1 միլիարդ դոլարից ավելի ներդրում է խոստանում

Գագիկ Ծառուկյանը բիզնեսով չի զբաղվում։ Այսօր, «Օմնիա Թեք» ընկերության և «Մուլտի Գրուպ» կոնցեռնի համագործակցությամբ Հայաստանում Մայնինգ ֆերմայի բացման հանդիսավոր արարողությանը լրագրողներին հայտնել է «Մուլտի Գրուպ» կոնցեռնի հիմնադիր Գագիկ Ծառուկյանը, փոխանցում է Սպուտնիկ Արմենիան: 

«Մենք Նիկոլ Փաշինյանի հետ հուշագիր ենք ստորագրել, որ ես բիզնեսով չեմ զբաղվում, ես իմ բիզնեսները տվել եմ կառավարման», - ասել է նա։

Գագիկ Ծառուկյանն նաև հստակ նշել է, թե որքան ներդրում է իրականացվելու առաջիկայում։

«Ներդրումների չափն այս պահի դրությամբ 50 մլն ԱՄՆ դոլար է, բայց դա դեռ ամբողջը չէ, իրենք պետք է մնացած ներդրումն անելու համար համաձայնեցնեն օրենքների հետ։ Մոտավորապես 40 երկրից մարդ կգա։ Մենք իրենց պետք է ճիշտ ընդունենք, ծանոթացնենք, որ մարդիկ ապահով լինեն, գան, ներդրումներ անեն», -ասել է Ծառուկյանը։

Ներդրողների հիմնական մասը, Ծառուկյանի խոսքով, Հայաստան կժամանեն վաղը` տեղում ծանոթանալու առկա պայմաններին ու հնարավորություններին, նաև հանդիպելու ու մի շարք տնտեսական հարցեր քննարկելու կառավարության պատասխանատու անդամների հետ։

Գագիկ Ծառուկյանը նաև հայտնել է, որ այս տարվա ընթացքում նախատեսվում է ևս երկու գործարան բացել` արևային պանելների և սրբիչների։ Իսկ հաջորդ տարվա համար նախատեսված է «Տեքստիլի քաղաք» նախագծի իրականացումը, որի ներդրումը շուրջ 1 մլրդ դոլար է հաշվարկված։

Այս բոլոր գործարանների բացմամբ Գագիկ Ծառուկյանը խոստանում է մի քանի հազար նոր աշխատատեղեր ստեղծել։




Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 78%
Քամի՝ 12.87 կմ/ժ
5 C°
 
  11° 
15.11.2018
  10° 
16.11.2018
Հարցում

Կո՞ղմ եք Փաշինյանի քաղաքականությանը Ղարաբաղյան հակամարտության կարգավորման հարցում: