Իրանի դեմ ԱՄՆ պատժամիջոցները՝ սպառնալիք տարածաշրջանային կայունության համար
Թրամփի վարչակազմը հոլիվուդյան ոճով հայտարարեց Իրանի դեմ մինչև 2015 թվականին կնքված միջուկային պայմանագիրը գործող բոլոր պատժամիջոցների վերականգնման մասին: Ընդհանուր առմամբ, պատժամիջոցների ցուցակում ներառվել է մոտ 700 ֆիզիկական և իրավաբանական անձ՝ այդ թվում երկրի հիմնական բանկերը ու նավթ արտահանող ընկերությունները: Հիշեցնենք, որ 2018 թվականի մայիսին միջուկային պայմանագրից դուրս գալուց հետ Վաշինգտոնն աստիճանաբար վերականգնում էր Իրանի դեմ նախկինում սահմանված պատժամիջոցները, սակայն պատժամիջոցների այս փաթեթն ամենախիստն է, քանի որ առնչվում է ոչ միայն Իրանին, այլ նաև վերջինիս հետ առևտրային հարաբերություններ ունեցող երկրներին և կազմակերպություններին: Նշենք, որ դրանց արդյունքում իրանական նավթի արտահանումն արդեն նվազել է օրական ավելի քան 1 մլն բարելով, երկիրը լքել է ավելի քան 100 միջազգային խոշոր կազմակերպություն:
ԱՄՆ-ը հույս ունի, այդ պատժամիջոցների շնորհիվ տնտեսապես կազմաքանդելով Իրանը, բացառել վերջինիս ռազմաքաղաքական ակտիվությունը Մերձավոր Արևելքում, ստիպել Թեհրանին հրաժավել բալիստիկ հրթիռների փորձարկումներից:
Թեև Վաշինգտոնում պնդում են, որ պատժամիջոցներն ուղղված չեն իրանցի ժողովրդի դեմ, սակայն ամերիկյան վարչակազմի վերջնական նպատակն է այն աստիճան վատացնել Իրանի ժողովրդի սոցիալ-տնտեսական դրությունը, որ իրանական հասարակությունը սկսի ճնշումներ գործադրել սեփական իշխանությունների վրա՝ ընդառաջելու ԱՄՆ պահանջներին: Հետաքրքիր է, որ պատժամիջոցների վերականգնման մասին լուրը իրանցիները դիմավորեցին ոչ թե սեփական իշխանությունների, այլ ԱՄՆ դեմ բազմահազարանոց բողոքի ակցիաներով: Սակայն այստեղ պետք է նկատի ունենալ, որ իրանական իշխանություններն ու հասարակությունը բավականին երկար ժամանակ ապրել են խիստ պատժամիջոցների պայմաններում, և ԱՄՆ-ի կողմից նախկինում գործող պատժամիջոցների վերականգնումն ակնկալվում էր, որ կարաժանա հենց այսպիսի արձագանք իրանցիների մոտ: Սակայն երկարաժամկետ հեռանկարում չի բացառվում, որ ամերիկյան ակնկալիքներն իրականանան՝ հատկապես, որ վերջին ամիսներին Իրանում պարբերաբար բողոքի ակցիաներ էին տեղի ունենում սոցիալ-տնտեսական իրավիճակի կապակցոթյամբ:
Իրանն սպասվող տնտեսական դժվարությունների հաղթահարման գործում ապավինում է միջուկային համաձայնագրի մյուս կողմերի (Ռուսաստան, Չինաստան, Մեծ Բրիտանիա, Ֆրանսիա, Գերմանիա), և հատկապես Եվրոպական միության աջակցությանը: Նշենք, որ վերջիններս հակված են պահպանելու Իրանի հետ միջուկային պայմանագիրը և շարունակել բավականին փոխշահավետ տնտեսական հարաբերությունները (ԵՄ փորձում է ամերիկյան պատժամիջոցներն շրջանցող մեխանիզմներ գործարկել, իսկ իրանական նավթի ամենամեծ գնորդ Չինաստանում արդեն հայտարարել են, որ չեն պատրաստվում հրաժարվել իրանական նավթի ներկումից): Եթե վերջիններիս չհաջողվի իրական աջակցություն ցույց տալ Իրանին ԱՄՆ պատժամիջոցների դեմ պայքարում, ամենայն հավանականությամբ, Իրանը, ինչպես բազմիցս հայտարարել է նախկինում, դուրս կգա միջուկային պայմանագրից և կվերսկսի իր միջուկային ծրագիրը, ինչն էլ իր հերթին կմեծացնի ռազմական առճակատման հավանականությունը:
Սա լուրջ մարտահրավեր է տարածաշրջանի անվտանգության և կայունության համար, և այն բնականաբար վերաբերում է նաև Հայաստանին: Ինչպես ցույց տվեց ԱՄՆ նախագահի ազգային անվտանգության հարցերով խորհրդական Ջոն Բոլթոնի հայաստանյան այցը, ԱՄՆ-ը հետաքրքված է Իրանի դեմ իր աշխարհաքաղաքական խաղում ներառել նաև Հայաստանին: Նման պայմաններում ՀՀ իշխանությունները պետք է բավականին զգույշ և հավասարակշռված քաղաքականություն վարեն: Հասկանալի է, որ Իրանի հետ հարաբերությունների վատացումը, հայ-իրանական սահմանի փակումը, ինչը Ազգային ժողովում նոյեմբերի 1-ին ունեցած իր ելույթի ժամանակ չբացառեց վարչապետի ժամանակավոր պաշտոնակատար Նիկոլ Փաշինյանը, կարող է աղետալի հետևանքներ ունենալ Հայաստանի համար: Միևնույն ժամանակ ՀՀ պետք է բանակցություններ վարի Վաշինգտոնի հետ, որպեսզի Իրանի դեմ սահմանված երկրորդային պատժամիջոցները չտարածվեն նաև մեր երկրի վրա:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 30%
Քամի՝ 1,03 կմ/ժ