ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 528,19 դրամ ԱՐԾԱԹ - 255,88 դրամ ՊԼԱՏԻՆ - 14 222,19 դրամ

Երեւանի կենտրոնը պետք է ունենա հատուկ կարգավիճակ. Արթուր Մեսչյան

Ես ապօրինի կառուցված շենքերը համարում եմ Երևանի ճարտարապետական խայտառակությունը և ոչ միայն ես։

Այս մասին այսօր՝ հոկտեմբերի 6-ին, իր առաջին մամուլի ասուլիսին ասաց Երեւանի գլխավոր ճարտարապետ Արթուր Մեսչյանը, հաղորդում է NEWS.am-ը։

«Շատ դժվար է։ Այնտեղ կարող են ծագել հատուցման հարցեր, դատական գործընթացներ, բայց եկեք գոնե այս պահից սկսենք այդ սխալները չկատարել»,–նշեց նա։

Հարցին, թե Երևանի գլխավոր ճարտարապետը արդյոք լուծումներ չունի այդ խնդրի համար, նա նկատեց, որ լուծումներ կան, սակայն դրա համար ժամանակ է անհրաժեշտ, ինչպես նաև լծակներ։

«Ես այն  մարդկանցից չեմ, որ Երևանի մասին խոսում են ողբերգական տոնով, որ ամեն ինչ փչացել է, չէ՛, մենք ոչ մի բան չենք կորցրել, ունենք հրաշալի քաղաք, բայց ունենք խնդիրներ, որոնք պետք է լուծել»,–նկատեց նա։

Մեսչյանը հավաստիացրեց, որ ի տարբերություն մի շարք նորանշանակ նախարարների ու պաշտոնյաների՝ իրեն նախապատրաստվելու համար ժամանակ պետք չէ. «Ես շատ լավ գիտեմ՝ ինչից պետք է սկսեմ և ուր պետք է գնամ։  Երևանի կենտրոնը պետք է ունենա հատուկ կարգավիճակ։ Հետագայում մենք ուզում ենք կազմավորել մի ծրագիր, որով Երևանի կենտրոնը կստանա հատուկ կարգավիճակ, որի դեպքում ես կունենամ լծակներ»։

Նա ասուլիսի ժամանակ ազդարարեց Երևանում ապօրինի շինարարության ավարտը. «Պուճաղային աշխատանքին վերջ, ապօրինի շինարարությանը վերջ, հողազավթմանը վերջ, չի լինելու օրինականացում, մի ստեղծեք խնդիրներ: Եթե շինարարական ծրագրերը օրինական ճանապարհով փորձեք իրականացնել, խոստանում եմ, որ բոլոր հնարավորություններով կփորձենք հեշտացնել ձեր կյանքը»։


Եղանակ
Երևան
Ամպամած
Խոնավություն՝ 82%
Քամի՝ 4 կմ/ժ
1 C°
 
   
16.12.2019
   
17.12.2019
Հարցում

Արդյոք Հայաստանի իշխանությունները բավարար չափո՞վ են տեղեկացնում մեր հասարակությանը Ղարաբաղյան հակամարտության կարգավորման գործընթացի մասին: