Առաջին աշխարհամարտի ավարտի 100-ամյակն ու Պուտին-Թրամփ չկայացած հանդիպումը
Նոյեմբերի 11-ին Փարիզում մեծ հանդիսավորությամբ նշվեց Առաջին համաշխարհային պատերազմի ավարտն ազդարարող զինադադարի 100-րդ ամյակը, որին մասնակցեցին շուրջ 70 երկրների, կառավարությունների և միջազգային կազմակերպությունների ղեկավարներ: Տոնական միջոցառումների բացումը տրվեց, երբ առավոտյան ժամը 11:00-ին լսվեց Փարիզի Աստվածամոր տաճարի ղողանջները, ինչն էլ խորհրդանշական էր նրանով, որ 100 տարի առաջ նոյեմբերի 11-ին ժամը 11:00-ին է ուժի մեջ մտել Կոմպիենի անտառում Գերմանիայի և մյուս կողմից՝ Ֆրանսիայի, Մեծ Բրիտանիայի, ԱՄՆ-ի և հակագերմանական կոալիցիայի մյուս երկրների միջև ռազմական գործողությունների դադարեցման մասին համաձայնագիրը: Սակայն հարկ է նշել, որ համաշխարհային առաջնորդները Հաղթական կամարի մոտ ժամանեցին նշված ժամանակից բավականին ուշ:
Փարիզի Հաղթական կամարի մոտ տեղի ունեցած հանդիսավոր արարողությունից և Ելիսեյան պալատում ճաշից հետո Ֆրանսիայի նախագահ Էմանուել Մակրոնի նախաձեռնությամբ տեղի ունեցավ Խաղաղության փարիզյան համաժողովը, որն ուղղված էր գլոբալ կարգավորման միջոցով խաղաղության հաստատմանը ու միջազգային լարվածության նվազեցմանը:
Համաժողովը բացել է Ֆրանսիայի նախագահ Էմանուել Մակրոնը, որն իր ելույթում ընդգծել է միջոցառման կարևորությունն ու շնորհակալություն հայտնել բոլորին, ով ներդրում է ունեցել դրա անցկացման համար: «Աշխարհը, որում մենք ապրում ենք, թուլացել է ճգնաժամերի պատճառով, որոնք ապակայունացնում են մեր հասարակությունը… այդ իսկ պատճառով մենք որոշել ենք ստեղծել Խաղաղության փարիզյան համաժողովը, որն անցկացվելու է ամեն տարի… Ցանկանում եմ շնորհակալություն հայտնել բոլորին, ովքեր եկել են և ներկա են այստեղ», - հայտարարել է Ֆրանսիայի նախագահը:
Նրանից բացի բացման արարողությանը ելույթ են ունեցել նաև Գերմանիայի կանցլեր Անգելա Մերկելը և ՄԱԿ-ի գլխավոր քարտուղար Անտոնիու Գուտերեշը: Այնուհետև ելույթներով հանդես են եկել նաև այլ երկրների ղեկավարներ` այդ թվում նաև ՀՀ վարչապետ Նիկոլ Փաշինյանը:
Նշենք, որ փարիզյան միջոցառումների ընթացքում ամենասպասվող իրադարձությունը Թրամփ-Պուտին հնարավոր հանդիպումն էր: Սակայն երկու երկրների ղեկավարների միջև հանգամանալից զրույց այդպես էլ չի կայացել: Ռուսաստանի նախագահի մամուլի քարտուղար Դմիտրի Պեսկովի խոսքով` Պուտինի և Թրամփի միջև միայն կարճ զրույց է տեղի ունեցել և կոնկրետ թեմաների շուրջ ոչինչ չի քննարկվել: «Պուտինն ու Թրամփը, բառացիորեն, ճաշի ընթացքում են ողջունել իրար, ոտքի վրա: Չի եղել խոսելու հնարավորություն: Թրամփը լքել է Ելիսեյան պալատը: Միայն իրար ցտեսություն են ասել»,- հայտնել է Պեսկովը`հավելելով, որ Պուտինի ու Թրամփի հանդիպումը կկայանա Բուենոս-Այրեսում G20 համաժողովի ժամանակ, որը կանցկացվի նոյեմբերի 30-ից դեկտեմբերի 1-ը:
Նշենք, որ սպասված հանդիպումը չեղարկելու տարբեր պատճառներ են նշվում: Коммерсант-ի փոխանցմամբ՝ երկու երկրների ղեկավարների միջև Փարիզում նախատեսված հանդիպումը չեղարկվել է Ֆրանսիայի նախագահ Էմանուել Մակրոնի խնդրանքով: Պարբերականի աղբյուրի խոսքով՝ Մակրոնը չի ցանկացել, որ այդ հանդիպումը ստվերի Փարիզում նախատեսված և Առաջին համաշխարհային պատերազմի ավարտի 100-ամյակին նվիրված միջոցառումները: «Էմանուել Մակրոնը Մոսկվային և Վաշինգթոնին խնդրել է «չստվերել» Ելիսեյան պալատում նախատեսված միջոցառումներն ու հանդիպումները: Բառացիորեն այդպես էլ ձևակերպվել է»,- ասել է պարբերականի աղբյուրը:
Մեկ այլ վարկածի համաձայն էլ պատճառն այն է, որ Թրամփին ու Պուտինին տարբեր սեղանների շուրջ են նստեցրել: Ինչպես հայտնում են ռուսական լրատվամիջոցները` նախապես որոշված է եղել, որ Մակրոնը, Թրամփը և Պուտինը, ինչպես նաև Եվրահանձնաժողովի ղեկավար Ժան-Կլոդ Յունկերը պետք է նստեն նույն սեղանի շուրջ:
«Ելիսեյան պալատը վերջին պահին փոխել է դասավորությունը և Ռուսաստանի ու Միացյալ Նահանգների նախագահներին դեմ դիմաց է նստեցրել: Այդ իսկ պատճառով նրանք մանրամասն խոսելու հնարավորություն չեն ունեցել», - «ՌԻԱ Նովոստի»-ին հայտնել է ռուսական պատվիրակության աղբյուրը:
Ամեն դեպքում, Ֆրանսիային հաջողվել է հավաքել այդքան թվով համաշխարհային առաջնորդների և միջոցառմանը չհաղորդել ընդգծված քաղաքական բնույթ: Միջոցառման ամենահիշվող պահերը ոչ թե այս կամ այն հարցի վերաբերյալ համաշխարհային առաջնորդների քաղաքական հայտարարություններն են, այլ ՌԴ նախագահ Վլադիմիր Պուտինի «ավանդական» ուշացումը միջոցառումից և Ուկրաինայի նախագահ Պյոտր Պորոշենկոյի և ԱՄՆ նախագահ Դոնալդ Թրամփի միջև կայացած միջադեպը, Թրամփը ձեռքը չի մեկնել բարևելու Ուկրաինայի նախագահին:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 47%
Քամի՝ 1,54 կմ/ժ