«Եթե պարտվես մեր հայաստանցի ընկերոջը` վախենալու չէ». Լուկաշենկոն «Մանկական Եվրատեսիլ»-ի մասնակցին

• 21.11.2018, 13:37
•  Եվրոպա,  Աշխարհ

Բելառուսի նախագահ Ալեքսանդր Լուկաշենկոն իր նստավայրում հանդիպել է «Մանկական Եվրատեսիլ» միջազգային երգի մրցույթի մասնակիցների հետ: Այս մասին տեղեկանում ենք Բելառուսի նախագահի պաշտոնական կայքէջից:

«Դուք արդեն հաղթող եք», - ասել է պետության ղեկավարը` նշելով նման միջազգային երգի մրցույթին մասնակցող երիտասարդ տաղանդների մեծ ձեռքբերումը: «Դուք արդեն պետք է երջանիկ և գոհ լինեք, որ հաղթել եք ձեր երկրներում, իսկ մնացածը՝ ինչպես կհաջողի», - հավելել է Բելառուսի նախագահը:

Ալեքսանդր Լուկաշենկոն այնուհետև հարցրել է, թե ինչպես են գործերը Բելառուսի մասնակից Դանիել Յաստրեմսկուի մոտ: «Լավ, շնորհակալություն հրավերի համար»,- ասել է Յաստրեմսկուն: 

 Պատասխանելով հարցին, թե ինչ արդյունք է ակնկալում իր ելույթից, Բելառուսի մասնակիցը հայտնել է, որ մտադիր է ամեն ինչ անել Բելառուսը պատշաճ ձևով ներկայացնելու համար:  Որին ի պատասխան Լուկաշենկոն նշել է.

«Եթե դու պարտվես մեր հայաստանցի ընկերոջը, ռուսաստանցուն կամ մեկ ուրիշի, վախենալու չէ։ Մենք, որպես տանտերեր, հաղթել չենք կարող։ Սակայն եթե հաղթենք, ներում եմ քեզ», -  կատակել է նախագահը։