ԵՐԵՎԱՆ 7 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Ղարաբաղյան կարգավորում. բանակցությունների թափանցիկությունը՝ չարդարացված մարտահրավեր

Նոյեմբերի 20-ին տեղի ուենցած մամուլի ասուլիսի ժամանակ ՀՀ վարչապետի ժամանակավոր պաշտոնակատար Նիկոլ Փաշինյանն անդրադարձավ նաև Ղարաբաղյան հիմնախնդրի խաղաղ կարգավորման գործընթացին՝ շեշտելով, որ կարևորում է բանակցային գործընթացի թափանցիկությունը: «Կարծում եմ, որ Արցախի հարցի շուրջ տեղի ունեցող բանակցային գործընթացին պետք է տիրապետի հնարավորինս շատ մարդ: Այսօր հայ ժողովուրդն Արցախի հարցի վերաբերյալ բանակցային գործընթացին և բովանդակությանը տեղեկացված է առավել, քան երբևէ: Այս մոտեցումը շարունակվելու է»,- նշեց Փաշինյանը:

Սակայն պետք է նկատել, որ դրական ու առաջադիմական թվացող այս պնդումները լուրջ մարտահրավերներ կարող են իրենց մեջ պարունակել: Թե՛ Հայաստանի, թե՛ Արցախի և թե՛ Ադրբեջանի հանրությունները խիստ զգայուն են Ղարաբաղյան հիմնախնդրի նկատմամբ և պարբերաբար դրսևորում են որևէ կերպ զիջումների չգնալու իրենց դիրքորոշումը: Ի դեպ, այս երևույթն առավել քան հասկանալի է և հատուկ գրեթե բոլոր հակամարտություններին: Հենց այս է պատճառը, որ միջազգային հանրությունը համաշխարհային պատմության ողջ ընթացքում չի ստեղծել հակամարտությունների խաղաղ կարգավորման ավելի լավ ու արդյունավետ մեթոդ, քան բանակցությունները: Իսկ որոշակի փուլում գաղտնիության պահպանումը պարտադիր պայման է՝ բանակցությունների արդյունավետությունն ապահովելու համար:

Բանակցային գործընթացի կողմերից մեկի կողմից՝ առանց մյուս կողմերի հետ համաձայնեցնելու, բանակցություններում ձեռք բերված պայմանավորվածությունների որևէ կտոր հանրայնացնելը կարող է դիտվել որպես բանակցային գործընթացը տապալելու փորձ: Մեր պարագայում նման քայլը կարող է լուրջ հետևանքներ առաջ բերել՝ հիմնավորելով պատերազմական ճանապարհով խնդրի լուծման ադրբեջանական դիրքորոշումը: Պատրա՞ստ ենք արդյոք մենք սրան, և սա՞ է արդյոք մեր նպատակը:

Իհարկե միանշանակ է, որ առանց հասարակության (թե՛ Հայաստանի, թե՛ Արցախի) հավանության որևէ փաստաթուղթ չի կարող և չպետք է ստորագրվի: Սակայն հասարակությանը պիտի ներկայացվի բանակցային գործընթացում ձեռք բերված ամբողջական արդյունքը: Իսկ մինչև ամբողջական, երկրների ղեկավարների կողմից համաձայնեցված տարբերակի ձեռքբերումը բանակցային որևէ կետը հանրությանը ներկայացնելն ոչ միայն չի նպաստի որևէ արդյունք ունենալուն, այլև ընդհանրապես կտապալի ողջ գործընթացը:  

Այո՛, բանակցային գործընթացին տիրապետում են սահմանափակ թվով մարդիկ, սակայն դա է պահանջում բանակցային գործընթացի էությունը: Հակամարտող կողմերը ներկայացնող իշխանությունները պիտի ունենան պատրաստակամություն՝ իրենց ուսերին կրելու սեփական երկրի ու ժողովրդի շահերն այդ «խորհրդավոր քողի ներքո» պաշտպանելու պատասխանատվությունը:   

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 53%
    Քամի՝ 1,54 կմ/ժ
    8 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: