«Արցախ» գրությամբ պաստառը բարկացրել է Իրանի ադրբեջանցիներին (տեսանյութ)

• 28.11.2018, 14:32
•  Տարածաշրջան,  Աշխարհ,  ԼՂՀ

Նոյեմբերի 25-ին Իրանի ֆուտբոլի բարձրագույն առաջնության շրջանակներում Թեհրանում Պերսեպոլիս-Թրաքթյորսազի ֆուտբոլային ակումբների միջև տեղի ունեցած խաղի ժամանակ, մի խումբ երկրպագուներ իրենց ձեռքում պաստառ են պահել, որի վրա պարսկերեն գրված է եղել «Արցախ»: 

Ինչպես հայտնում է Ermenihaber-ը` դա բարկացրել է Իրանի խորհրդարանի ծագումով թուրք և ադրբեջանցի պատգամավորներին։ Դժգոհության ալիք է բարձրացել նաև Իրանի Ատրպատական նահանգում։ Հայտնի է, որ պաստառը պահել էին Պերսեպոլիսի երկրպագուները։

Ազերի պատգամավորները քննադատել են տեղի ունեցածը և մի շարք մեղադրանքներ հնչեցրել Հայաստանի հասցեին՝ կապված ղարաբաղյան հակամարտության հետ։  Առաջնորդվելով թուրք-ադրբեջանական անհիմն պնդումներով՝ նրանք հայկական կողմին մեղադրել  են «օկուպացիայի» մեջ։