ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 519,28 դրամ ԱՐԾԱԹ - 261,56 դրամ ՊԼԱՏԻՆ - 13 388,89 դրամ

Քոչարյան. Հայ-ռուսական հարաբերություններն այսօր հատուկ հոգատարության կարիք ունեն

AP

Հայ-ռուսական հարաբերություններն այսօր հատուկ հոգատարության կարիք ունեն: Այս մասին այսօր Լազարյան ակումբի նիստին իր ելույթում ասել է Հայաստանի երկրորդ նախագահ Ռոբերտ Քոչարյանը, փոխանցում է News.am-ը: 

Լազարյան ակումբի առաջին նիստի նշանավոր օրը բոլորին ողջունելով՝ նախկին նախագահը հույս է հայտնել, որ այս բանավիճային հարթակը՝ ռուսաստանաբնակ հայ բարերարների ընտանիքի անունով, կդառնա ոչ միայն բարի ընկերների հանդիպման վայր, այլև նոր գաղափարների և արդյունավետ նախագծերի ստեղծման միջավայր, որոնք ուղղված կլինեն հայ-ռուսական հարաբերությունների և բարեկամության ամրապնդմանը:

Քոչարյանը հատուկ շնորհակալություն է հայտնել Կոնստանտին Զատուլինին ակումբի ստեղծման ջանքերի համար և ուրախություն է հայտնել այն առիթով, որ ակումբի անդամներ են դարձել ինչպես Ռուսաստանի, այնպես էլ Հայաստանի հայտնի մարդիկ:

Քոչարյանի խոսքով, հայ-ռուսական հարաբերություններն այսօր հատուկ հոգատարության կարիք ունեն:

Ինչպես նշել է Ռոբերտ Քոչարյանը, ցանկացած բարեկամություն ջանքեր է պահանջում, մեր էներգիայի, ժամանակի ու էմոցիաների կարիքն ունի:

«Բարեկամությունն, իհարկե, նաև իներցիա ունի: Բայց միայն իներցիայով չի կարող զարգանալ: Հիշեք, թե կյանքում մենք բոլորս որքան բարեկամների ենք կորցրել միայն այն պատճառով, որ բավականաչափ  ջանքեր չենք ներդրել, որպեսզի նրանց պահպանենք: Բարեկամությունը դադարում է, երբ բարեկամերի անկեղծության և մտադրությունների վերաբերյալ կասկածներ են հայտնվում, եւ երբ կողմերից մեկը ձգտում է ավելին ստանալ, քան պատրաստ է տալ: Դժվար եւ սխալ է բարեկամություն անել հավերժորեն խնդրողի, պնդերեսի եւ նվնվացողի հետ: Նման հարաբերություններն անխուսափելիորեն վերափոխվում են վասալայինի կամ զայրացնողի: Սա արդարացի է ոչ միայն անձնական, այլեւ միջպետական հարաբերություններում: Հենց այստեղ՝ միջպետական հարաբերություններում մենք պետք է հասկանալի, կանխատեսելի, հուսալի և միմյանց անհրաժեշտ գործընկերներ լինենք: Երկրների միջև բարեկամական հարաբերությունները պարզապես շահերի համընկնում չեն: Սա պետական շահերի և մեր հասարակությունների փոխհարաբերություններում մարդկային գործոնի խորը ներթափանցման սինթեզ է: Ես չեմ կարող նման ուժեղ համադրությամբ և այս գործոնների հաստատմամբ այլ երկրների օրինակ գտնել, ինչպես Ռուսաստանի հետ Հայաստանի: Այս հարաբերությունները մենք ժառանգել ենք և պետք է ամենօրյա ջանքեր ներդնենք դրանց պահպանման և զարգացման համար:

Ես շատ կցանկանայի, որ ակումբն այս գործունեության առանցքային տարրերից մեկը դառնար», - ասել է Քոչարյանը, հավելելով, որ, պատրաստ է հաջորդ հանդիպումներին ավելի մեծ ծավալով մասնակցել:

Իր ելույթի ավարտին Քոչարյանը Զատուլինին նվիրեց իր գրքի առաջին օրինակներից մեկը:


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 51%
Քամի՝ 5 կմ/ժ
1 C°
 
-1°   
22.11.2019
-1°   
23.11.2019
Հարցում

Կո՞ղմ եք ՀՀ վարչապետի առաջարկած բանաձևին, ըստ որի՝ Ղարաբաղյան հակամարտության կարգավորման սցենարը պետք է ընդունելի լինի բոլոր երեք կողմերի համար։