2019 թվականի կարևորագույն սպորտային միջոցառումը լինելու է Չճանաչված երկրների ֆուտբոլի ֆեդերացիաների համադաշնության (ConiFA) կողմից Արցախում անցկացվելիք Եվրոպայի առաջնությունը:
CONIFA-ն իր կայքում նյութ է տեղադրել, նվիրված առաջնությանը, որը նախատեսված է անցկացնել հունիսի 1-16-ը: Կա նաև Եվրո-2019 առաջնության և Արցախի մասին տեղեկատվություն:
Միջոցառումը պատշաճ մակարդակով անցկացնելու համար Արցախում ստեղծված է կառավարական հանձնաժողով, և իրականացվում են նախապատրաստական աշխատանքներ: ConiFA-ի հետ համագործակցության աշխատանքներն ընթանում են ակտիվ կերպով: Սա շատ լավ հնարավորություն է ոչ միայն սպորտային, այլև Արցախի ճանաչմանն ուղղված միջոցառումներ ձեռնարկելու համար: 10-ից ավելի թիմեր մասնակցության հայտ են ներկայացրել: Հունվարին վերջնական պարզ կլինի, թե քանի թիմ է այցելելու Արցախ:
