Ինչո՞ւ է Ռուսաստանը ռազմավարական հրթիռակիրներ ուղարկել Վենեսուելա
Դեկտեմբերի 10-ին ռուսական ռազմատիեզերական ուժերին պատկանող «Տու-160» երկու ռազմավարական հրթիռակիրները, ինչպես նաև «Ան-124» «Ռուսլան» ծանր ռազմատրանսպորտային ինքնաթիռը վայրէջք են կատարել Վենեսուելայի օդանավակայանում: Նշվում է, որ Ռուսաստանը, չնայած Վենեսուելայում տիրող ծանր տնտեսական ճգնաժամին, փորձում է վենեսուելացի օդաչուներին հմտություններ ուսուցանել:
Ռուսաստանի կողմից Վենեսուելա ռազմավարական ռմբակոծիչներ ուղարկելու մասին առաջինը հաղորդել է ամերիկյան հայտնի The Washington Free Beacon պարբերականը: Հղում անելով Պենտագոնի աղբյուրներին` պարբերականը նշում է, որ օդանավերը մասնակցելու են համատեղ օպերատիվ թռիչքներին:
Հրապարակման մեջ նշվում է նաև, որ ԱՄՆ-ի պաշտպանության նախարարությունն ուշադիր հետևելու է ռմբակոծիչներին, որոնք ի վիճակի են միջուկային մարտագլխիկներով հրթիռներ արձակել: Ամերիկյան պետությունների կազմակերպությունն էլ, իր հերթին, հայտարարել է, որ «անհանգստացած» է միջուկային զենք կրելու հնարավորություն ունեցող երկու ռմբակոծիչների` Վենեսուելայում գտնվելու փաստով։
Նշենք, որ Ռուսաստանի պաշտպանության նախարարությունից հաստատել են Վենեսուելա օդանավերի փոխադրման մասին տեղեկությունը: Ռազմական վարչությունից նաև հաղորդել են, որ Վենեսուելայի մայրաքաղաք Կարակասը սպասարկող Մայկետիա միջազգային օդանավակայանում ռուսական ռազմական հրթիռների անձնակազմին հանդիսավոր կերպով ընդունել են Վենեսուելայի պաշտպանության նախարար Պադրինո Լոպեսը և Կարակասի ՌԴ դեսպանատան ներկայացուցիչները:
Նրանց փոխանցմամբ` միջոցառման ժամանակ Պադրինո Լոպեսը նշել է, որ ռուսական օդանավերը մասնակցելու են համատեղ օպերատիվ թռիչքներին:
«Մենք պատրաստվում ենք նրան, որ անհրաժեշտության դեպքում մինչև վերջին շունչը պաշտպանենք Վենեսուելան: Եվ մենք դա անելու ենք մեր ընկերների հետ, որոնք հանդես են գալիս ի պաշտպանություն երկրների միջև հարգալից հարաբերություններ հաստատելուն», - նշել է Լոպեսը:
Սակայն հարկ է նշել, որ Ռուսաստանի այս քայլը միանշանակ չի ընդունվել ԱՄՆ-ի կողմից: Ինչպես հայտնում է BBC-ին` ԱՄՆ պետքարտուղար Մայք Պոմպեոն, մեկնաբանելով լուրը, նշել է, որ դա «գումարների վատնում» է:
«Ռուսաստանի կառավարությունն անցել է աշխարհի կեսն ու իր ռմբակոծիչները Վենեսուելա ուղարկել: Ռուս և վենեսուելացի ժողովուրդները պետք է այս հարցն այսպես դիտարկեն. կոռումպացված կառավարությունները վատնում են հանրային միջոցները, մինչդեռ նրանց ժողովուրդները տառապում են»,- ասել է Պոմպեոն:
Նշենք, որ Ռուսաստանի ԱԳՆ-ում Պոմպեոյի այս հայտարարությունն անվանել են ոչ պրոֆեսիոնալ, և մեղադրել վերջինիս դիվանագիտական էթիկայի նորմերի խախտման մեջ: Իսկ Վենեսուելայի արտաքին գործերի նախարար Խորխե Արրեասն, իր հերթին, ասել է, որ Պոմպեոն անհարգալից և ցինիկ կերպով է խոսել Մոսկվայի և Կարակասի համագործակցության մասին:
«Միացյալ Նահանգներն առնվազն 800 զինվորական բազա ունի 70 երկրում: Այսօր, ԱՄՆ-ի` անվտանգության համագործակցության ոլորտի 107 անվտանգության ծրագրերից 75-ը գործում են Լատինական Ամերիկայում », - թվիթերում գրել է Արրեասը:
Հարկ է նշել, որ ռուսական ռազմական օդանավերի այցը Վենեսուելա առաջինը դեպքը չէ: Ավելի վաղ ռազմավարական նշանակության հրթիռային կրիչները Վենեսուելա են ժամանել 2008 թ. սեպտեմբերին և 2013 թ. հոկտեմբեր-նոյեմբերին ամսիներին: Ինչպես հայտնում է TASS-ը, անցած շաբաթ Վենեսուելայի նախագահ Նիկոլաս Մադուրոյի և պաշտպանության նախարար Պադրինո Լոպեսի` Մոսկվա կատարած այցի ժամանակ ՌԴ պաշտպանության նախարար Սերգեյ Շոյգուն հայտնել է, որ ռուսական ռազմական ավիացիայի թռիչքները Վենեսուելայի օդանավակայաններում կշարունակվեն, իսկ ռուսական նավատորմի նավերն ինչպես միշտ մուտք կգործեն այդ երկրի նավահանգիստներ:
Նշենք, որ ԱՄՆ-ի պատժամիջոցների հետևանքով ներկայումս Վենեսուելան ծանր տնտեսական ճգնաժամում է գտնվում: Վենեսուելայի իշխանությունների խոսքերով` ԱՄՆ-ն պատժամիջոցները սահմանել է երկրում իշխանափոխության հասնելու նպատակով: Եվ ի դեմս Վլադիմիր Պուտինի, Նիկոլաս Մադուրոն գտել է ուժեղ դաշնակցի, որի միջոցով նա հույս ունի շրջանցել պատժամիջոցները:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 66%
Քամի՝ 1,54 կմ/ժ