ԵՐԵՎԱՆ 5 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 20 429,37 դրամ ԱՐԾԱԹ - 240,74 դրամ ՊԼԱՏԻՆ - 13 279,01 դրամ

Մինչև 20 տոկոս ուրանի հարստացման գործընթացը վերականգնելն ամենևին բլեֆ չէ. Սալեհի

Ֆորդո միջուկային օբյեկտում Իրանի կողմից մինչև 20 տոկոս ուրանի հարստացման գործընթացը վերականգնելն ամենևին բլեֆ չէ: Այս մասին հայտարարել է Իրանի Ատոմային էներգիայի կազմակերպության ղեկավար Աքբար Սալեհին, փոխանցում է Tasnim-ը:

Նրա խոսքով, չնայած Իրանը համաձայնվել է իր միջուկային ծրագիրը սահմանափակել 2015 թվականի միջուկային գործարքի շրջանակում, նման սահմանափակումները չեն խոչընդոտում միջուկային արդյունաբերության խաղաղ գործունեությանը: «Ներկայումս մենք Ֆորդոյում 1044 ցենտրիֆուգ ունենք, և եթե ցանկանանք, ապա կվերականգնենք ուրանի 20-տոկոսանոց հարստացումը»,- ասել է նա:

Սալեհին հույս է հայտնել, որ միջուկային համաձայնագրի մյուս մասնակիցները կկատարեն իրենց պարտավորությունները և կլրացնեն այն բացը, որը ստեղծվել է ԱՄՆ-ի` Համատեղ համապարփակ գործողությունների ծրագրի պայմանագրից միակողմանի դուրս գալուց հետո:

Հակառակ դեպքում Իրանը ստիպված կլինի իր պարտավորությունները կրճատել: «Ցանկանում եմ ընդգծել, որ սա բլեֆ չէ: Ես ևս մեկ անգամ շեշտում եմ, որ մենք կարող ենք վերադառնալ ուրանի 20-տոկոսանոց հարստացմանը և ցանկացած մակարդակում բավարարել երկրի պահանջմունքները»,- ասել է Սալեհին:

 


Ամենաընթերցվածը

օրվա

շաբաթվա

ամսվա

Եղանակ
Երևան
Տեղատարափ
Խոնավություն՝ 93%
Քամի՝ 10 կմ/ժ
5 C°
 
   
25.03.2019
   
26.03.2019
Հարցում

Պե՞տք է արդյոք Հայաստանը խորացնի համագործակցությունը ՆԱՏՕ-ի հետ: