Փարիզի իշխանությունները «դեղին բաճկոնների» ակցիայի օրը զրահափոխադրիչներ դուրս կբերեն փողոցներ

• 11.01.2019, 17:17
•  Եվրոպա,  Աշխարհ

Iz.ru

Փարիզի ոստիկանությունը «դեղին բաճկոնների» բողոքի մեծաթիվ ակցիաներ է սպասում հունվարի 12-ին, ինչի կապակցությամբ Ֆրանսիայի մայրաքաղաքի փողոցներ դուրս կբերվեն 14 զրահափոխադրիչներ: Ինչպես հայտնում է ՏԱՍՍ-ը` CNews հեռուստաալիքի եթերում այս մասին հայտարարել է Փարիզի ոստիկանապետ Միշել Դելպեշը: 

«Մենք Փարիզում բողոքի ավելի լուրջ ակցիաներ ենք սպասում (հունվարի 12-ին), քան անցյալ շաբաթ օրը: Փողոցներում կտեղակայվեն 14 զրահափոխադրիչներ»,- ասել է նա:

Դելպեշը նաև նշել է, որ վերահսկողություն կկազմակերպվի քաղաքի երկաթուղային կայարաններում ու ճանապարհներին: Նրա խոսքով՝ շարժումն ամեն անգամ ավելի ու ավելի արմատական է դառնում: