Ազգային ժողովն ընդունեց կառավարության ծրագիրը
Փետրվարի 14-ին ՀՀ Ազգային ժողովը շարունակել է Կառավարության ծրագրի նախագծի քննարկումը: Պատգամավորները իրենց տեսակետներն են ներկայացնել նախագծի վերաբերյալ:
Մի շարք ելույթներում անհրաժեշտ է համարվել ծրագիրը դարձնել ավելի որոշակի, ապահովել դատական իշխանության եւ դատավորի անկախությունը, բարձրացնել կառավարության պատասխանատվության աստիճանն ու ուսուցչի նկատմամբ հարգանքը: Առաջարկ է եղել փաստաթղթում ավելացնել ծրագրի իրականացման ռիսկերը, երաշխիքներն ու այն չկատարելու դեպքում՝ պատասխանատվությունը, նախանշված անելիքների համար նշել հստակ ժամկետներ: Կարեւորվել են ներդրումների համար անհրաժեշտ պայմանների ստեղծումն ու ծրագրի կատարման չափելիության ապահովումը: Նշվել է, որ անդրադարձ չկա պետական պարտքին: Ըստ որոշ դիտարկումների՝ ծրագրի նպատակը հեղափոխական է, իսկ բովանդակությունը՝ ոչ:
Կարծիք է հնչել, որ այս փաստաթուղթն ապառազմավարական եւ ապահայեցակարգային է, դրանում բացակայում են սկզբունքները: Պատգամավորներից ոմանք կարեւորել են կոռուպցիայի դեմպայքարը, պետական համակարգի աշխատակիցների աշխատավարձերի բարձրացումը, օրինախախտների դեմ խիստ պատիժների սահմանումը եւ հարկային օրենսդրության պարզեցումը՝ մեջբերելով Սինգապուրի դրական օրինակը: Շատ պատգամավորներ էլ իրենց ելույթներում Կառավարության ծրագիրը գնահատել են որպես տնտեսական զարգացում ապահովող, թեեւ դրանում շատ չեն թվային ցուցանիշները: Նշվել է նաեւ, որ ծրագրում բազմաթիվ են չափելի եւ վերահսկելի դրույթները:
Տնտեսական հեղափոխությանը զուգահեռ անհրաժեշտ է համարվել նաեւ իրականացնել մշակութային հեղափոխություն:Ելույթներում անդրադարձ է կատարվել նաեւ աշխատաշուկայի կարիքներին, անհրաժեշտ է համարվել ավելացնել գիտությանը հատկացվող գումարները:
Մտահոգություն է հայտնվել, որ ծրագրում չի խոսվում ժողովրդագրականանվտանգության ռազմավարությունից:Կարծիք է հնչել հայրենադարձությանն ուղղված գրասենյակների բացման վերաբերյալ:
Կարեւորվել է որոշ երկրների՝ հաջողված տնտեսական զարգացում արձանագրած փորձի ուսումնասիրումը:
Պատգամավորները նշել են, որ ծրագրում ներկայացված չէ Կառավարության հռչակած տնտեսական հեղափոխության իրականացման գործիքակազմը: Խոսվել է նաեւ կինոարտադրության ոլորտում փոփոխությունների իրականացման անհրաժեշտությունից:
Նշվել է, որ բարձր է խորհրդարանի հանդեպ քաղաքացու վստահությունը եւ հետագա գործողություններով պետք է ամրապնդել այն: Անդրադարձ է կատարվել Հայաստան-Սփյուռք հարաբերություններին, արտաքին հարաբերություններին, պետական համակարգում սպասվելիք օպտիմալացման գործընթացին, ՀՆԱ-ի աճի տեմպերին:
Նշվել է, որ մերժվել է նախկին կեղծ համակարգը եւ եկել է տնտեսական հեղափոխության ժամանակը, որն առանց ժողովրդի մասնակցության հնարավոր չէ իրականացնել: Այս համատեքստում կարեւորվել է խորհրդարանի եւ կառավարության կողմից համապատասխան մթնոլորտի ապահովումը, որի պայմաններում մարդիկ կվերագտնեն իրենց վստահությունը, կշարունակեն լինել պահանջատեր եւ մասնակցություն ունենալ տնտեսական առաջընթացի գործում:
Արտահերթ ելույթ է ունեցել ՀՀ ԱԺ նախագահ Արարատ Միրզոյանը:
ԱԺ նախագահն անդրադառնալով Կառավարության ծրագրով նախատեսված ջրամբարների կառուցմանը եւ պատասխանելով գործընկերների՝ որտե՞ղ, ի՞նչ ժամկետներում եւ քա՞նի ջրամբար է կառուցվելու հարցադրումներին՝ հավաստիացրել է, որ թեեւ ժամկետներ կառավարության ծրագրում չկան, բայց այդ ջրամբարները կառուցվելու են:
ԱԺ նախագահը համաձայնել է Էդմոն Մարուքյանի այն դիտարկմանը, որ դժվար է լինել ընդդիմություն հեղափոխությունից հետո, բայց տասնապատիկ ավելի դժվար է լինել իշխանություն եւ հարյուրապատիկ ավելի դժվար է լինել քաղաքացի:
«Այս ծրագիրը կարող է իրականանալ միայն մի դեպքում, եթե կառավարությանը հաջողվի արթնացնել քաղաքացիների հավատը, գիտակցությունը, մասնակցությունը: Այդ դեպքում կապահովվի քաղաքացիների հաղթանակը: Սա, իմ խորին համոզմամբ, կառավարության միակ ու լրջագույն մարտահրավերն է: Կհաջողվի՞ կառավարությանն ապահովել սա, կհաջողվի ծրագիրը, կկառուցվեն այդ ջրամբարները, եւ թոշակները կբարձրանան: Չի հաջողվի, ուրեմն ծրագիրը չի իրականանա»,-ասել է Արարատ Միրզոյանը:
Փաստաթղթի վերաբերյալ տեսակետներ են ներկայացրել խորհրդարանի քաղաքական ուժերի ներկայացուցիչները:
ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը նշել է, որ Կառավարությունը ներկայացրել է ծրագիր, սակայն դեռեւս խորհրդարան չի բերվել Կառավարության կառուցվածքի մասին օրինագիծը, որն անհրաժեշտություն էր: Պատգամավորի կարծիքով՝ պետք է Կառավարության աշխատանքներում ներգրավել այնպիսի մասնագետների, որոնք կհավատան հայտարարված տնտեսական հեղափոխությանը եւ դրա իրականացման ուղիներ կառաջարկեն: Նրա համոզմամբ՝ վարչապետը պետք է փոխի իր կադրային քաղաքականությունը, եթե ցանկանում է ունենալ մեծ փոփոխություններ: «Լուսավոր Հայաստանը» դեմ է քվեարկելու ծրագրին:
ՀՀ ԱԺ «Բարգավաճ Հայաստան» խմբակցության տեսակետը ներկայացրել է Նաիրա Զոհրաբյանը: Ըստ նրա՝ ծրագիրը պետք է լիներ հեղափոխական, սակայն այն զգուշավոր եւ վախվորած է: Նման բարձր լեգիտիմություն ունեցող իշխանության ներկայացրած փաստաթուղթը չի լուծելու առկա սոցիալ-տնտեսական խնդիրների բեռը, իսկ հանրության ամենամեծ վստահությունն անգամ«մաշվելու» հատկություն ունի, ասել է Նաիրա Զոհրաբյանը: Պատգամավորը տեղեկացրել է, որ իրենց ներկայացրած առաջարկների ընդունումից է կախված խմբակցության քվեարկությունը:
ՀՀ ԱԺ «Իմ քայլը» խմբակցության դրական դիրքորոշումը փաստաթղթի վերաբերյալ ներկայացրել է խմբակցության ղեկավար Լիլիթ Մակունցը: Ըստ նրա՝ Կառավարության ծրագիրը յուրօրինակ ուղերձ ու ուղենիշ է, հեղափոխական է, կաղապարված չէ, ճկունության եւ աշխատելու լայն հնարավորություն է տալիս:Խմբակցության ղեկավարի խոսքով՝ առաջիկա հինգտարիներին Կառավարությունն օրենսդիր մարմնի հետ համատեղ հնարավորություն ունի իրականացնելու հեղափոխական բարեփոխումներ, որը, սակայն, չի կարող միայնակ իրականացնել՝ չունենալով իշխանության այլ ճյուղերի աջակցությունը: «Իմ քայլը» խմբակցությունը կողմ է քվեարկելու ծրագրին:
Եզրափակիչ ելույթ է ունեցելՀՀ վարչապետ Նիկոլ Փաշինյանը: Նա անդրադարձել է պատգամավորներիելույթներին, դիտողություններին, տվել պարզաբանումներ: Ըստ նրա՝ ծրագրի քննարկման ընթացքում անդրադարձ չի եղել «Իմ քայլը» դաշինքի նախընտրական ծրագրին, որը Կառավարության գործունեության առաջիկա հինգ տարիների ծրագրի հիմքն է:
Վարչապետը պարզաբանել է, որ Կառավարությունն ունի անելիքների եւ պատասխանատվության իր բաժինը, ինչը նաեւ ունի քաղաքացին: Ըստ Նիկոլ Փաշինյանի՝ քաղաքացին պետք է հավատա իր ուժերին, իսկ աղքատությունը հաղթահարելու համար անհրաժեշտ է փոփոխություն՝ մարդկանց մտածելակերպում:
«Չի լինելու վատ եւ ավելի վատ, լինելու է լավ եւ ավելի լավ, սակայն սրան պետք է հավատալ», - ընդգծել է Նիկոլ Փաշինյանը:
Վարչապետն անդրադարձել է նաեւ տնտեսության, կրթության ոլորտներին, հարկային քաղաքականությանը, ավիափոխադրումներին, ինչպես նաեւ պատգամավորների առաջարկներին՝ պարզաբանելով, որ այսօր ՀՀ Սահմանադրությունը թույլ չի տալիս փոփոխություններ կատարել ծրագրում:
Քվեարկության արդյունքում փաստաթուղթն ընդունվել է 88 կողմ, 40 դեմ ձայների հարաբերակցությամբ:
Սպառելով օրակարգը՝ խորհրդարանն ավարտել է յոթերորդ գումարման Ազգային ժողովի առաջին նստաշրջանի աշխատանքը:
ԱԺ երկրորդ նստաշրջանն իր առաջին նիստը կգումարի մարտի 5-ին:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 45%
Քամի՝ 0,51 կմ/ժ