Թուրքիայում հերթական վանդալիզմի դրսևորումն է բացահայտվել հայկական եկեղեցու նկատմամբ (ֆոտոշարք)

• 14.02.2019, 18:31
•  Տարածաշրջան,  Աշխարհ,  Հայաստան

Թուրքիայի Ստամբուլ քաղաքի Բաքըրքյոյ շրջանի Զեյինլիք թաղամասում գտնվող հայկական Ծնունդ Սբ. Աստվածածին եկեղեցու պատերի վրա ներկանյութերով գրառումներ են արվել: Այս մասին հայտնում է  «Ermenihaber.am»-ը: 

Ի դեպ, սա նոր երևույթ չէ: Տարիներ առաջ եկեղեցու պատերը պղծվել էին, բայց 2018-ին կապույտ ներկով քողարկվել էին ոչ պատշաճ այդ գրառումները:

Նմանատիպ երևույթները խոսում են այն մասին, որ Թուրքիայում անտեսում են ազգային-կրոնական փոքրամասնություններին պատկանող գույքի, սրբատեղիների և վերջիններիս նկատմամբ  վանդալիզմի դրսևորումները: 

Այսօր պատերը նորից լի են գրառումներով` անվայել, տարաբնույթ, անհասկանալի բովանդակությամբ: