Բեռլինի միջազգային կինոփառատոնի մրցանակակիրներն արդեն հայտնի են

• 17.02.2019, 11:18
•  Եվրոպա,  No-politics

Ռեժիսոր Նադավ Լապիդի «Հոմանիշներ» ֆիլմն արժանացել է Բեռլինի 60-րդ միջազգային կինոփառատոնի գլխավոր` «Ոսկե արջ» մրցանակին:

Ֆիլմը երիտասարդ իսրայելացու մասին է, ով փորձում է հեռանալ հայրենիքից և դառնալ իսկական ֆրանսիացի: Ռեժիսորը նշել է, որ ֆիլմը նվիրել է իր մորը, ով  մահացել է նկարահանումների ընթացքում: Այս մասին հաղորդում է РИА Новости-ն:

Լավագույն ֆիլմ է ճանաչվել նաև Նորա Ֆինգշայդտի «Համակարգի խափանողը»:

Կինոփառատոնի լավագույն դերասան է ճանաչվել չինացի Վան Ցզինչունը, որը խաղացել է «Ցտեսություն, որդիս» ֆիլմում:

Լավագույն կին դերասանուհի անվանակարգում «Արծաթե արջ» է ստացել է Ցզինչունի խաղընկերուհին` Յուն Մեյը:

Լավագույն սցենարի մրցանակը ստացել է Կլաուդիո Ջիովաննեզին` «Նեապոլի պիրանիաները» ֆիլմի համար:

Լավագույն ռեժիսոր անվանակարգում «Արծաթե արջ» է ստացել Բեռլինի կինոդպրոցի ներկայացուցիչ Անգելա Շանելեկը` «Ես տանն եմ եղել, բայց ...» ֆիլմի համար:

Լավագույն դեբյուտային ֆիլմ է ճանաչվել Մեհմեդ Ակիֆի «Օրեյ» ֆիլմը:

Լավագույն վավերագրական ֆիլմը Սուհաբա Գասմելբերի «Ծառերի մասին խոսելիս» ժապավենն է:

Լավագույն օպերատորական աշխատանքի համար մրցանակը շնորհվել է «Ձիերը տանելու ժամանակն է» ֆիլմի օպերատոր Ռասմուս Վիդերբեգին:

Հիշեցնենք, որ Բեռլինի միջազգային կինոփառատոնը մեկնարկել էր փետրվարի 7-ին: Փառատոնին ներկայացվել էր 16 ֆիլմ: