Լևոն Աղասյանը, առաջ անցնելով ադրբեջանցի մարզիկից, ճանաչվել է աթլետիկայի Բալկանյան երկրների չեմպիոն (ՏԵՍԱՆՅՈՒԹ)

• 18.02.2019, 11:48
•  Տարածաշրջան,  Աշխարհ,  Հայաստան,  No-politics

Մրցաշրջանում իր առաջին արտագնա մրցուղերթն ավարտեց Հայաստանի աթլետիկայի թիմը: Թուրքիայի մայրաքաղաք Ստամբուլում ուսումնամարզական հավաք անցկացնելուց հետո մեր  մարզիկները մասնակցեցին  Բալկանյան երկրների ձմեռային առաջնությանը:

Հայաստանի ներկայացուցիչ, կապանցի 24 –ամյա  եռացատկորդ Լևոն Աղասյանը գերազանցեց իր բոլոր`  12  մրցակիցներին և 16մ 71սմ   արդյունքով  նվաճեց հաղթողի կոչումը` իրենից ետ թողնելով հաջորդաբար երկրորդն ու երրորդը ճանաչված Ադրբեջանի / 16, 68 / և Թուրքիայի / 16, 21 / պատվիրակներին:

Սպասելիքները գերազանցեց Երվանդ Մկրտչյանը: Ինը մասնակից  էր հայտավորված 1500 մ վազքատարածությունում: Հայ վազորդը, ում մարզումային պայմանները Գյումրիում  մեղմ ասած լիարժեք չեն, ցույց տվեց 3. 44, 55 ժամանակ և գրավեց պատվավոր երրորդ տեղը:

Մրցավարտից հետո  մեր աթլետները տեղում շարունակում են մարզումները և Երևան կվերադառնան փետրվարի 22 – ին:

Այս մասին հայտնում է ՀԱՕԿ լրատվական բաժինը: