Հայաստանը շախմատային խաչմերուկներում

• 20.02.2019, 17:34
•  Ամերիկա,  Տարածաշրջան,  Աշխարհ,  Հայաստան,  No-politics

ԱՄՆ -  Հայաստանի շախմատիստները հաջող մրցելույթներ ունեցան միջազգային մրցաշարերում: ԱՄՆ- ի Տեխասի նահանգի Ֆորտ Ուորֆ քաղաքում անցկացված «Southwest Class Championships» մրցաշարում գրոսմայստեր Հովհաննես Գաբուզյանը  9 հնարավորից վաստակեց 7, 5 միավոր և դարձավ միանձնյա հաղթող: Մրցումներին մասնակցած 84 շախմատիստներից 11–ը գրոսմայստեր էին: Այս մասին հայտնում է ՀԱՕԿ լրատվական բաժինը:

Իրան – «Կասպիան գավաթի»  խաղարկությունում միանգամից երեք մասնակիցներ 9 հնարավորից վաստակեցին 7 – ական միավոր և բաժանեցին 1- 3-րդ տեղերը: Նրանց թվում էր մեր  գրոսմայստեր Կարեն Գրիգորյանը:

Մոսկվա –  «Կոսմոս » հյուրանոցում այսօր կանցկացվեն  «Aeroflot Open» անվանումով միջազգային խոշոր մրցաշարի առաջին տուրի հանդիպումները: Մասնակիցներից 19 –ը,  այդ թվում ` հանրաճանաչ գրոսմայստեր Ռաֆայել Վահանյանը,  ներկայացնում են Հայաստանը:

Միջոցառումը սկսվեց փետրմարի 19-ին: Մեկնարկից 45 րոպե անց պարտիաները դադարեցվել են  կեղծ ահազանգի պատճառով. իբրև թե  «Կոսմոսը» , «Օստանկինո» հեռուստաաշտարակը և «Կազանյան» երկաթուղային կայարանը ականապատված են: Մասնակիցներին շտապ տարհանել են մրցավայրից: