ԵՐԵՎԱՆ -3 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 23 885,35 դրամ ԱՐԾԱԹ - 276,91 դրամ ՊԼԱՏԻՆ - 15 304,61 դրամ

Կարեն Նազարյանն իր հավատարմագրերն է հանձնել Հռոմի պապին

Հռոմի Ֆրանցիսկոս պապը մարտի 9-ին ընդունել է Սուրբ Աթոռում Հայաստանի Հանրապետության նորանշանակ դեսպան Կարեն Նազարյանին, ով իր հավատարմագրերն է հանձնել կաթոլիկ աշխարհի հոգևոր առաջնորդին: Այս մասին հայտնում է Vatican News-ը:

Կարեն Նազարյանի` Սուրբ Աթոռում դեսպան նշանակվելու կապակցությամբ Վատիկանում ՀՀ նախկին դեսպան Միքայել Մինասյանը շնորհավորել էր նրան՝ հայտնելով, որ Նազարյանը «Հայաստանի ամենափորձառու դիվանագետներից մեկն է» և ինքն «համոզված է, որ նրա երկարամյա փորձառության, նվիրվածության ու ջանքերի շնորհիվ հայ-վատիկանյան բարեկամությունը ավելի պիտի ամրապնդվի»։

Կարեն Նազարյանը Ֆրանցիսկոս պապին որպես երախտագիտության նվեր հանձնել է Քահանայապետական Զինանշանը պատկերող մետաքսե ձեռագործ աշխատանքով խորհրդանիշ, որի ներքևի մասում արձանագրված է հետևյալը. «Մշտական աղոօթքով Նորին Սրբություն Ֆրանցիսկոս Պապին, Հայաստանում ապաստանած սուրիահայերի կողմից»։

Նշենք, որ Կարեն Նազարյանը Վատիկանում ՀՀ դեսպան էր նշանակվել 2018 թվականի դեկտեմբերի 28-ին:


Եղանակ
Երևան
Ամպամած
Խոնավություն՝ 60%
Քամի՝ 5 կմ/ժ
-3 C°
 
-5°   
23.01.2020
-5°   
24.01.2020
Հարցում

Իրան-ԱՄՆ դիմակայության ուժեղացումը կանդրադառնա՞ Հայաստանի վրա: