Սրբուհի Սարգսյանի եվրատեսիլյան երգը մոտ երեք միլիոն դիտում է հավաքել. երգչուհին զարմացած է

• 18.03.2019, 12:00
•  Եվրոպա,  Հայաստան,  No-politics

CelebMix.com

Հայաստանը «Եվրատեսիլ» երգի միջազգային մրցույթին ներկայացնող երգչուհի Սրբուհի Սարգսյանը Ֆեյսբուքի իր էջում գրառում է կատարել.

«Ես ու իմ եվրատեսիլյան թիմը մեծ անհամբերությամբ սպասում էինք Youtube-ում 1.000.000 դիտելիության ցուցանիշին, և աննկարագրելի էր մեր ուրախությունը, երբ մեկ շաբաթից էլ քիչ ժամանակահատվածում տեսանք, թե ինչպես երգը սիրվեց, տարածվեց, կտրեց մայրցամաքներ։

Կրկնակի զարմանալի էր, երբ 1.000.000-ից հետո շուրջ մեկ ժամվա ընթացքում ցուցանիշը հասավ 2.500.000-ի և շարունակում է սրընթաց աճել։ Մենք արդեն դիմել ենք «Եվրատեսիլ»-ի յութուբյան պաշտոնական ալիքին, որպեսզի հասկանանք՝ արդյոք որևէ խնդիր կա՞ թաքնված արագ աճող ցուցանիշի հետևում, թե ոչ։ Նորությունների մասին անպայման կտեղեկացնեմ։
Շնորհակալ եմ, որ իմ կողքին եք»,- նշել է Սրբուհի Սարգսյանը: