ԵՐԵՎԱՆ 30 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 21,594.84 դրամ ԱՐԾԱԹ - 231.47 դրամ ՊԼԱՏԻՆ - 12,619.86 դրամ

Ճապոնիայում ներկայացվել է Տոկիո-2020-ի օլիմպիական ջահը (ՏԵՍԱՆՅՈՒԹ)

ՀԱՕԿ

Ճապոնիայի մայրաքաղաք Տոկիոյում մարտի 20-ին անցկացվել է 32-րդ ամառային Օլիմպիական խաղերի օլիմպիական ջահի շնորհանդեսը: Ալյումինից պատրաստված ջահը կշռում է 1.2 կգ:

Վերևից ջահը նման է սակուրա ծաղկի, որը Ճապոնիայի ազգային խորհրդանիշն է: Օլիմպիական ջահի պատրաստման մետաղի ընտրությունը պատահական չէ: 2011-ին Ճապոնիայում տեղի ունեցած երկրաշարժից ու ցունամիից հետո բազմաթիվ մարդիկ ապրում էին ալյումինից պատրաստված ժամանակավոր կացարաններում: Այդ կերպ օլիմպիական ջահի հեղինակները ցանկացել են հարգել 2011թ. մարտի 11-ին տեղի ունեցած ողբերգության զոհերի հիշատակը:

Հենց 2020թ. մարտի 11-ին կվառվի օլիմպիական կրակը: Ջահը Ճապոնիա կվերադառնա մարտի 20-ին, իսկ 6 օր անց կմեկնարկի օլիմպիական կրակի փոխանցումավազքը: Սկզբում օլիմպիական ջահը կուղևորվի այն քաղաքները, որոնք 8 տարի առաջ ամենաշատն են տուժել երկրաշարժից ու ցունամիից: Փոխանցումավազքը նախատեսված է սկսել Ֆուկուսիմա քաղաքի Ազգային ֆուտբոլային կենտրոնում: 121 օրում ջահակիրներն օլիմպիական կրակը կհասցնեն Տոկիո, որտեղ 2020թ. հուլիսի 24-ին տեղի կունենա Օլիմպիական խաղերի բացման հանդիսավոր արարողությունը: Տոկիո-2020-ի կազմակերպիչներն ընտրել են նաև օլիմպիական կրակի փոխանցումավազքի նշանաբանը՝ «Հույսը լուսավորում է մեր ուղին»:

Հիշեցնենք, որ Տոկիոյի Օլիմպիական խաղերը կկայանա 2020թ. հուլիսի 24-ից օգոստոսի 9-ը:


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 23%
Քամի՝ 12 կմ/ժ
31 C°
 
20°  34° 
17.07.2019
22°  36° 
18.07.2019
Հարցում

Հավանե՞լ եք «Գահերի խաղ»-ի վերջին սերիան: