Հարավային Կորեան սկսել է 5G շարժական ցանցի առևտրային օգտագործումը

• 04.04.2019, 13:33
•  Աշխարհ,  No-politics

豆豆头条

Հարավային Կորեան դարձել Է աշխարհի առաջին երկիրը, որն սկսել Է հինգերորդ սերնդի շարժական կապի (5G) առևտրային շահագործումը: Ինչպես ապրիլի 4-ին հայտնել Է գիտության և տեղեկատվական-հաղորդակցական տեխնոլոգիաների նախարարությունը, SK Telecom, KT և LG Uplus հեռահաղորդակցական ընկերություններն սկսել են այդ ստանդարտի շարժական կապի ծառայություններ տրամադրել քաղաքացիներին, տեղեկացնում Է «Արմենպրես»-ը: 

Հինգերորդ սերնդի շարժական կապը (5G) ավելի մեծ թողունակություն Է ապահովում: Տվյալների հաղորդման ռեկորդային արագությունը հասել Է 25 Գբ/վ-ի: Այդ ցուցանիշները թույլ են տալիս առցանց ռեժիմով տեսանյութ հեռարձակել 8K (Ultra HD) լուծաչափով:

Առաջին երկիրը, որը թեստային ռեժիմով գործարկել Է շարժական կապի հինգերորդ սերունդը, Շվեդիան Է: Սակայն հինգերորդ սերնդի առևտրային ցանցն այդ երկրում կսկսի գործել 2021 թվականից ոչ շուտ