ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ՏԻՄ ընտրությունների արդյունքներն Էրդողանին կարող են նոր գործողությունների դրդել

2019թ. մարտի 31-ին Թուրքիայում կայացան տեղական ինքնակառավարման մարմինների (ՏԻՄ) ընտրությունները։ Ձայների վերջնական հաշվարկով պարզվեց, որ «Ժողովրդի դաշինքը» հավաքել է 51,64%, «Ազգի դաշինքը» 37,57%, իսկ «այլ» խումբը 6.55%:

Ընտրություններին մասնակցեցին 12 կուսակցություններ: Վերջիններս բաժանվել էին 3 խմբի՝ «Ժողովրդի դաշինք»՝ ԱԶԿ և ԱՇԿ, «Ազգի դաշինք»՝ ՀԺԿ, «Լավ» կուսակցություն, և «այլ»՝ Երջանկություն կուսակցությունը (ԵԿ), Ձախ դեմոկրատական կուսակցությունը «ՁԴԿ» և այլն:

Իշխող ԱԶԿ-ն անսպասելի պարտություն կրեց Թուրքիայի խոշոր քաղաքներում, մասնավորպես՝ Ստամբուլում, Ադանայում, Անթալիայում, Իզմիրում և այլն: Առանձնակի ուշադրության է արժանի Ստամբուլում ԱԶԿ-ի պարտությունը: Հենց ընտրությունների օրը՝ մարտի 31-ի երեկոյան, թուրքական պետական լրատվամիջոցները տարածել էին ինֆոգրաֆիկաներ և տեղեկություններ, որտեղ Ստամբուլում հաղթել էր ներկայացվել ԱԶԿ-ի թեկնածու Բինալի Յըլդըրըմընն: Սակայն ապրիլի 5-ի առավոտյան Բարձրագույն ընտրական խորհրդի նախագահի Սադի Գյուվենը հայտարարեց, որ Ստամբուլի վերջնահաշվարկի արդյունքում ՀԺԿ-ի թեկնածու Է. Իմամօղլուն ստացել է 4.163.188 ձայն, իսկ ԱԶԿ-ի թեկնածու Բ. Յըլդըրըմը 4.139.352 ձայն: Փաստացի ստացվում է, որ ընդդիմադիր ՀԺԿ-ն Ստամբուլում հաղթել էր իշխող ԱԶԿ-ին՝  23.836 հազար ձայնի առավելությամբ:

Առանձնակի ուշադրության են արժանի Էրդողանի հայտարարությունները ՏԻՄ ընտրություններց հետո. նախագահը նշել էր, որ իշխող կուսակցությունը որոշիչ հաղթանակ է տարել ՏԻՄ ընտրություններում, սակայն ընդունել էր, որ պարտվել են որոշ խոշոր քաղաքներում: Այնուհետև Էրդողանը հավաստիացրել է, որ չնայած իրականությանը, վերջիններս հանդես կգան գործողությունների համապատասխան ծրագրով:

Միջազգային լրատվամիջոցները Թուրքիայում կայացած ՏԻՄ ընտրությունները որակել էին որպես Էրդողանի խոշոր քաղաքական անկման և տառապանքի սկիզբ:

Եվ իսկապես, հաշվի առնելով վերոնշյալը, զիջելով դիրքերը խոշոր քաղքներում, Էրդողանը զգում է իր քաղաքական կարիերային սպառնացող վտանգը, և չի բացառվում, որ էլ ավելի ավտորիտար քայլերի դիմի: Նույն երևույթի ականատես եղանք նաև նախորդ խորհրդարանական ընտրություններից հետո, երբ քրդամետ կուսակցության դիրքերի ամրապնդումից հետո նրանց նկատմամբ բռնաճնշումներ սկսվեցին։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 30%
    Քամի՝ 1,03 կմ/ժ
    13 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: