Մեր մաղթանքն է, որ տիրոջ օրհնության ներքո մեր երկիրը զորանա. Գարեգին Բ

• 07.04.2019, 23:04
•  Աշխարհ,  Հայաստան,  ԼՂՀ

yerevan.today

«Մեր մաղթանքն է, որ տիրոջ օրհնության ներքո մեր երկիրը զորանա, առաջընթաց ապրի, և մեր ազգի զավակներն ի սփյուռս աշխարհի կերտեն մեր երազների հայրենիքը»,– այսօր՝ ապրիլի 7-ին, Ստեփանակերտում ասել է Գարեգին Բ Ամենայն հայոց կաթողիկոսը՝ լրագրողի խնդրանքով անդրադառնալով Հայաստանում հեղափոխության մեկամյակին, հայտնում է News.am-ը: 

Գարեգին Բ-ն օրհնանքի խոսք է ուղղել Արցախի ժողովրդին, իշխանավորներին․ «Կատարեցինք օրհնության արարողությունը, օծման կարգ՝ նորակառույց Ստեփանակերտի Սուրբ Աստվածածնի եկեղեցում։ Մենք հավատում ենք, որ այս եկեղեցին իր օրհնության ներքո պիտի համախումբ պահի մեր ազգի զավակներին, նրանց պետք է ոգեշնչի նոր իրագործումների, նոր հաղթանակների»,– ասել է Ամենայն Հայոց կաթողիկոսը։