Արցախի ՄԻՊ-ն անընդունելի է համարում մարդու իրավունքների պաշտպանությամբ զբաղվող միջազգային կազմակերպությունների բացակայությունը Արցախում

• 30.04.2019, 17:10
•  Հայաստան

Panorama.am

Արցախի մարդու իրավունքների պաշտպան Արտակ Բեգլարյանն անընդունելի է  համարում, որ մարդու իրավունքների պաշտպանությամբ զբաղվող միջազգային կազմակերպությունները չեն գործում ինչպես Արցախում, այնպես էլ շատ չճանաչված պետություններում:

Ինչպես փոխանցում է «Արմենպրես»-ը հաղորդմամբ՝ Բեգլարյանն այս մասին խոսել է ՀՀ ԱԺ-ում Մարդու իրավունքների պաշտպանության և հանրային հարցերի մշտական հանձնաժողով ի նիստից հետո լրագրողների հետ զրույցում:

«Թե ինչու ներկայացված չեն, դա առաջնահերթորեն կախված է իրենցից:  Արցախի Հանրապետության կողմից միշտ դիրքորոշում եղել է, որ մենք բաց ենք և պատրաստ ենք ընդունել միջազգային կառույցներին Արցախում ծրագրեր իրականացնելու: Դա վերաբերում է միջազգային կազմակերպություններին՝ միջկառավարական, վերպետական, նաև միջազգային իրավապաշտպան կազմակերպություններին: Ցավոք, մարդու իրավունքների համընդհանրության սկզբունքը չի գործում: Իհարկե, չեմ կարող ասել, որ միայն Արցախին են խտրականության ենթարկում, նաև այլ չճանաչված պետությունների, բայց սա անընդունելի է »,-ասել է Բեգլարյանը:

Նա նշել է նաև, որ չճանաչված պետությունները և, հատկապես, կոնֆլիկտային իրավիճակում գտնվող պետությունները միշտ ավելի խոցելի են լինում մարդու իրավունքների պաշտպանության առումով, քան ճանաչված և ոչ կոնֆլիկտային պետությունները