ԵՐԵՎԱՆ -1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 555,18 դրամ ԱՐԾԱԹ - 262,3 դրամ ՊԼԱՏԻՆ - 14 007,91 դրամ

Փաշինյանի պարզաբանումն Արցախյան հարցի շուրջ նոր հարցեր առաջացրեց

Մայիսի 8-ին տեղի ունեցած մամուլի ասուլիսի ընթացքում ՀՀ վարչապետ Նիկոլ Փաշինյանը փորձեց պարզաբանել, թե ինչպես է պատկերացնում ժողովրդի կողմից Արցախյան հիմնահարցի կարգավորման վերաբերյալ կարծիքի հայտնումը:

«Եթե ես ունենամ բանակցությունների արդյունքում այնպիսի լուծում, որ համարեմ, որ դա արժանի է ներկայացնելու ժողովրդին, կգամ, կհրավիրեմ՝ հնարավոր է հանրահավաք, հնարավոր է ասուլիս, հնարավոր է տեսաուղերձ, և կասեմ «այսպիսի տարբերակ կա, ժողովուրդ ջան», հանրավոր է հանրաքվե, «դուք թույլ տալի՞ս եք այս շրջանակներում բանակցել»»,- ասել է Փաշինյանը:

Այս հայտարարությունն, ըստ էության, լիովին չի բացատրում, թե ինչպես է ժողովուրդն ի պատասխան ասուլիսի, տեսաուղերձի կամ հանրահավաքի ժամանակ արված ելույթի պատասխանելու հարցին՝ ընդունո՞ւմ է առաջարկված տարբերակաը, թե՞ ոչ (այլ հարց է՝ հանրաքվեն): Սակայն, այս պահին դա այնքան էլ էական չէ:

Քիչ չէ այս ընթացքում խոսվել նաև այն մասին, որ ժողովուրդն արդեն իսկ արտահայտել է իր կամքը, և այժմ իշխանությունների խնդիրն է այդ կամքին միջազգայնորեն ընդունելի և ընկալելի ձևակերպում տալ, ամրագրել այն որպես կայացած փաստ:

Սակայն այս հայտարարության մեջ մեկ այլ ուշագրավ դրույթ կա. ասվածից ստացվում է, որ ժողովրդի դատին ներկայացվելու է ոչ թե բանակցված, համաձայնեցված տարբերակ, որ պետք է կամ համաձայնություն ստանա և կյանքի կոչվի, կամ չեղարկվի, այլ միջանկյալ փաթեթ, որը դեռ դրանից հետո նոր պետք է բանակցվի:

Դա մի կողմից կապահովի բանակցային գործընթացի թափանցիկությունը, այսինքն՝ դեռևս նախքան որևէ փաստաթղթի համաձայնեցման վերջնական փուլ մտնելը, այն կներկայացվի հանրությանը և հավանություն կստանա: Մյուս կողմից՝ կնվազեցնի իշխանությունների անձնական պատասխանատվությունը՝ առնավզն դե-յուրե: Կստացվի, որ ժողովուրդն է համաձայնվել այս կամ այն փաթեթը քննարկելուն, և հետագայում հնարավոր չի լինի իշխանություններին մեղադրել «ազգային շահերից չբխող» տարբերականեր քննարկելու մեջ:

Այլ հարց է, թե արդյո՞ք միջնորդներն ու ադրբեջանական կողմը կհամաձայնեն նախքան ստորագրումը հանրայնացնել բանակցվող փաթեթը: Եվ արդյո՞ք այս մոտեցումը փակուղային իրավիճակ չի ստեղծի բանակցային գործընթացում:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 76%
Քամի՝ 6 կմ/ժ
-1 C°
 
-2°   
23.11.2019
-1°   
24.11.2019
Հարցում

Կո՞ղմ եք ՀՀ վարչապետի առաջարկած բանաձևին, ըստ որի՝ Ղարաբաղյան հակամարտության կարգավորման սցենարը պետք է ընդունելի լինի բոլոր երեք կողմերի համար։