ԵՐԵՎԱՆ 15 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 20,054.02 դրամ ԱՐԾԱԹ - 228.7 դրամ ՊԼԱՏԻՆ - 13,059.58 դրամ

Հայաստանից Օմսկ ուղևորվող ավտոբուսը կողաշրջվել է Ստավրոպոլում

Известия

Հայաստանից Օմսկ ուղևորվող ավտոբուսը կողաշրջվել է Ստավրոպոլի մայրուղում, որի հետևանքով երեք մարդ է տուժել: Այս մասին հաղորդում է ՏԱՍՍ-ը՝ հղում կատարելով մարզում ԱԻՆ-ի գլխավոր վարչության մամուլի ծառայությանը:

Վարչության տվյալների համաձայն՝ վթարը տեղի է ունեցել կիրակի առավոտյան: «Միներալնիե Վոդի-Կոչուբեյ ավտոճանապարհի 257-րդ կմ-ի վրա Երևանից Օմսկ ուղևորվող Nissan Elgrand մակնիշի միկրոավտոբուսը կողաշրջվել է անվադողի վնասման պատճառով: Միկրոավտուբուսում գտնվել է ութ մարդ (բոլորը չափահասներ). տուժել է երեք մարդ»,-ասվում է լրագրողների տարածած հաղորդագրության մեջ:

Տուժածները տեղափոխվել են հիվանդանոց: Նախնական տվյալներով՝ նրանք ստացել են թեթև վնասվածքներ. զոհեր չկան: Բոլոր տուժածները ՀՀ քաղաքացիներ են: ՃՏՊ-ի վայրում աշխատում են արտակարգ ծառայությունների ներկայացուցիչները:

ՆԳՆ-ի գլխավոր վարչության տվյալների համաձայն՝ «ավտոմեքենայի վարորդին չի հաջողվել կառավարել մեքենան, որի հետևանքով միկրոավտոբուսը կողաշրջվել է: Նախնական վարկածներից մեկի համաձայն՝ վթարի պատճառ են հանդիսացել ձմեռային անվադողերը»,-ասել են վարչությունում՝ հավելելով, որ այժմ որոշվում է ուղևորներին նշանակետին հասցնելու հարցը:

Վարչությունում նաև նշել են, որ երեք տուժածները, բժիշկների որոշման համաձայն, որոշ ժամանակ կմնան հիվանդանոցում, սակայն նրանց կյանքին ոչինչ չի սպառնում: Մյուս ուղևորներին տեղափոխելու համար Հայաստանից մեկնել է մեկ ուրիշ ավտոմեքենա, որով նրանք կտեղափոխվեն՝ նախնական երթուղու համաձայն:

Դեպքի հանգամանքները ստուգվում են, անցկացվում է քննություն:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 50%
Քամի՝ 11 կմ/ժ
15 C°
 
13°  23° 
21.05.2019
13°  25° 
22.05.2019
Հարցում

Պատրաստվո՞ւմ եք մեկնել Արցախ` Coinfa-ին: